Kafeja është një nga pijet më të njohura në botë, megjithatë duhet të keni kujdes kur e konsumoni për shkak të marrjes së kafeinës.
Disa kërkime tregojnë se kafeja mund të zvogëlojë rrezikun e diabetit të tipit 2, të ndihmojë shëndetin e zemrës dhe trurit dhe të promovojë humbjen e peshës dhe zgjat jetën, transmeton FrontOnline.
Por nëse vuani nga këto tre simptoma, mund të jetë koha që të ndaloni së piri çdo ditë këtë pije popullore.
Doktor Suy, një mjek që punon në urgjencë, tha se duhet të pini më pak kafe nëse nuk mund të flini, vuani nga ankthi dhe aritmia e zemrës.
Duke folur me 59,000 ndjekësit e saj në TikTok, Dr Suy ju këshillon më tej: “Ju lutemi zvogëloni sasinë e kafesë që pini. Do të ishte ideale ta hiqnim fare nga menyja”.
Ajo gjithashtu thekson se përderisa ka disa përfitime shëndetësore nga pirja e kafesë, gjumi duhet të jetë prioritet.
Ajo shpjegoi: “Kafeja qëndron në sistemin tuaj shumë më gjatë nga sa mendoni.”
Kjo do të thotë që filxhani i kafesë në mëngjes ka të ngjarë të jetë ende në trupin tuaj kur të përpiqeni të shkoni në shtrat atë mbrëmje, dhe kjo do të zvogëlojë ndjeshëm cilësinë e gjumit tuaj.
Kur bëhet fjalë për presionin e gjakut, mjekja thotë se pirja e më shumë se katër filxhanëve kafe në ditë mund të rrisë presionin e gjakut.
Për shëndetin e zemrës, dietologia e Fondacionit Britanik të Zemrës Victoria Taylor thotë se një sasi e moderuar çaji ose kafeje (katër ose pesë filxhanë në ditë) nuk duhet të jetë e dëmshme për shumicën e njerëzve.
Ajo shton: “Kërkimet tregojnë se ky nivel i marrjes së kafeinës nuk duhet të jetë i dëmshëm për shëndetin e zemrës, nivelet e kolesterolit apo ritmin e zemrës.
Megjithëse pirja e kafesë është treguar se rrit presionin e gjakut, ky efekt është zakonisht i përkohshëm dhe zvogëlohet me kalimin e kohës nëse pini rregullisht pije me kafeinë. Disa njerëz janë më të ndjeshëm ndaj kafeinës dhe mund të përjetojnë palpitacione. Nëse jeni ju, atëherë ka kuptim të filloni të shmangni kafeinën.
Mos harroni se kafeina gjendet në shumë ushqime, duke përfshirë: çajin, çajin jeshil, kafenë, pijet energjike, Coca Cola-n dhe çokollatën./FrontOnline/
