×
  • Bota/Rajoni
  • Bota/Rajoni

    SHBA-ja shqyrton mundësinë e ndalimit të udhëtimeve me Britaninë

    FrontOnline
    21 Dhjetor 2020

    Ndihmës Sekretari amerikan për Shëndetësinë, Brett Giroir, tha të hënën se është e mundur që Shtetet e Bashkuara të ndalojnë udhëtimet nga Mbretëria e Bashkuar ndërsa një variant i ri i COVID-19-s po përhapet me shpejtësi në këtë vend.

    Por Giroir shtoi se nuk është marrë ende një vendim mbi këtë çështje.

    “Mendoj se gjithçka është e mundur. Thjesht duhet të vendosim të gjitha opsionet mbi tavolinë, të kemi një diskutim të hapur shkencor dhe të bëjmë rekomandimin më të mirë”, tha ai gjatë një interviste për rrjetin televiziv CNN, duke shtuar se grupi i punës për koronavirusin në Shtëpinë e Bardhë do të takohet më vonë gjatë ditës së hënë.

    Ndërkohë kryeministri britanik Boris Johnson pritet të drejtojë një takim të hënën të komitetit të krizave për të adresuar çështjen e udhëtimeve si brenda ashtu edhe jashtë Britanisë, veçanërisht lëvizjen e mallrave.

    Të dielën, disa vende evropiane dhe në Lindjen e Mesme ndaluan udhëtimet ajrore me Britaninë për shkak të shqetësimeve rreth një varianti të ri të COVID-19-s që është përhapur me shpejtësi në Angli këtë muaj.

    Franca gjithashtu ndaloi të gjitha udhëtimet, përfshirë lëvizjen e të gjithë transportuesve të mallrave, për 48 orë, duke filluar prej ditës së diel. Kjo çoi në mbylljen e tunelit, përmes të cilit kalojnë me mijëra kamionë në ditë, si dhe Portin e Doverit, i cili gjithashtu mbylli terminalin e trageteve. Doveri është një nga portet më të ngarkuara të Britanisë, e që është përballur me trafik shtesë përpara Brexit.

    Britania do të largohet nga BE në më pak se dy javë dhe deri më tash nuk ka arritur të nënshkruajë një marrëveshje.

    Irlanda, Italia, Austria, Belgjika dhe Hollanda gjithashtu ndaluan fluturimet nga Britania për shkak të variantit të ri të COVID-19-s. Kanadaja, Kuvajti, Arabia Saudite dhe Izraeli ndoqën të njëjtin shembull. Vende të tjera po konsiderojnë mundësitë për ndalim të udhëtimeve, ndërsa Bashkimi Evropian u takua për të diskutuar se çfarë do të rekomandojë.

    Tensione lidhur me variantin e ri të COVID-19-s janë shfaqur edhe jashtë Britanisë. Ministri i jashtëm i Italisë tha të dielën se në Romë është identifikuar një rast. Ndërkohë Organizata Botërore e Shëndetësisë tha se nëntë raste janë zbuluar në Danimarkë dhe nga një në Holandë e Australi. \ Voa

    Loja e madhe ka filluar nga 31 Janar dhe vazhdon deri me 2 Shkurt në Petrol Company
    Nga Rubrika
    Bota/Rajoni28 Mars 2024
    Polonia ka hapur përkohësisht një pikë kufitare me Ukrainën, tha Kievi më 28 mars, përderisa përfaqësuesit qeveritarë u takuan në Varshavë për...
    Bota/Rajoni28 Mars 2024
    Ish-kryeministri i Shqipërisë, Sali Berisha ka marrë pjesë nëpërmjet një lidhje të drejtpërdrejtë ndërsa ndodhet në arrest shtëpiak në aktivitetin dedikuar 15-vjetorit...
    Bota/Rajoni28 Mars 2024
    Presidenti i Serbisë, Aleksandar Vuçiq ka refuzuar të komentojë edhe sot, votimin drejt pranimit të Kosovës në Këshillin e Evropës. I pyetur...
    Të tjera
    Sport28 Mars 2024
    Real Madridi ka filluar të rinovojë kontratat me disa nga futbollistët e tyre. I pari ishte mesfushori gjerman, Toni Kroos, i cili...
    Front TV28 Mars 2024
    Deputetja e Lëvizjes Vetëvendosje, Fitore Pacolli, ka thënë se falë “punës së jashtëzakonshme të Qeverisë Kurti”, Kosova ka avancuar drejtë anëtarësimit në...
    Lajme28 Mars 2024
    Në përvjetorin e 25-të të masakrës së kryer në Podujevë nga njësiti serb “Skorpionët”, kryeministri Albin Kurti bëri homazhe te varrezat e...
    Lajme28 Mars 2024
    Njësia e Antidrogës së Policisë së Kosovës kanë zhvilluar sot një aksion në rajonin e Prizrenit dhe Gjakovës. Gjatë bastisjeve në këto...
    Lajme28 Mars 2024
    Ish-deputeti i VV’së, Fatmir Humolli ka folur nëse Bedri Hamza ka mundësi ta mposhtë Albin Kurtin.Por, sipas Humolli garat duhet të bëhen...
    Lajme28 Mars 2024
    Lidhja Demokratike e Kosovës “është dashuruar” në frazën “Hajnat n’burg” – frazë kjo e përdorur shumë nga Lëvizja Vetëvendosje sa ishte në...

    FrontOnline, © 2024 Të gjitha të drejtat e rezervuara.