Që ka pasur më shumë shuarje të bizneseve në këtë periudhë e thotë edhe kryetari i Aleancës Kosovare të Bizneseve, Agim Shahini.
“Shuarja e bizneseve në periudha të caktuara nuk është parametri kryesor që tregon se brenda një viti ka pas më shumë ose më pak biznese të hapura apo të mbyllura. Sipas statistikave që posedojmë mbyllja e bizneseve në periudhën korrik shtator ka qenë pak më e madh, pro ka qenë një numër shumë i vogël i kompanive që kanë shuar aktivitetin e vet në krahasim më vitin 2022”, është shprehur ai për Front Online.
Shahini, deklaron se arsyet e shuarjes së bizneseve janë humbja e fuqisë në treg dhe mosqasja në institucione financiare.
“Por zakonisht, bizneset e shuara shpesh nuk deklarojnë arsyet e shuarjes, por ne si AKB i hulumtojmë këto biznese dhe përgjigja e tyre është se e kanë humb fuqinë konkurruese në treg dhe mosqasja nëpër institucione financiare”, ka thënë Shahini.
Derisa kryeministri i vendit, Albin Kurti ka deklaruar se për tri vite eksportet arritën në 2.5 miliardë euro, kryetari i AKB-së, Agim Shahini thotë se në vitin 2023 Kosova ka pasur problem sa i përket eksportit.
Lexoni edhe: Më shumë biznese po mbyllen e më pak mallra po eksportohen, kryeministri Kurti po mashtron me statistika
Madje, thotë se në këtë kanë ndikuar disa faktorë.
“Problemet që ka pas më pas eksport në vitin 2023 janë të natyrave të ndryshme dhe ne i kemi identifikuar disa, ku njëra ndër to ka qenë që bizneset nuk kanë pas qasje në tregjet evropiane për shkak të mungesës së vizave, po ashtu qasjet financiare të cilat kanë qenë vitin e kaluar tepër të shtrenjta, inflacioni dhe rritjet e çmimeve kanë qenë një nga problemet, po ashtu edhe konkurrenca e ashpër që prodhuesit dhe bizneset nuk kanë mundur t’i përballojnë korporatave, politikat fiskale dhe ato ekonomike kanë qenë në shumë shtete më të favorshme dhe më subvencionuese ndaj eksportuesve”, ka pohuar i pari i AKB-së.
Ndërsa, thotë se nuk mund të jep vlerësime për këtë vit sa i përket eksportit.
“Sipas paralajmërimeve dhe hulumtimeve rritja ekonomike këtë vit mund të jetë rreth 4%, por këto janë vetëm parashikime dhe është herët të jepen vlerësime të sakta se si do të rrjedhë ekonomia dhe politika të cilat janë të lidhura ngushtë me njëra-tjetrën”, ka shtuar Shahini, për Front Online.
