Presidenti i KB Trepçës, Vullnet Sefaja ishte në lidhje direkte në emisionin sportiv “Favorit” në T7.
Ai foli për rrugëtimin e tij, për sfidat dhe sukseset që i ka kaluar prej që e ka marrë drejtimin e klubit mitrovicas.
“Kemi planifikuar të luftojmë për titull. Kemi qenë shumë afër për dy vite me radhë. Në vitin e parë nuk ka qenë e pritshme, pasi ka qenë pas play-outit dhe konsolidimit. Këtë sezon përgatitjet kanë qenë me shku në finale dhe me fitu titullit. Nuk kam besuar personalisht që do të arrijmë të fitojmë katër titujt. Ka qenë një vit shumë shumë shumë i suksesshëm. Nuk kam prit me qenë kaq dominant sezoni. Si dy vjeçar kam qenë adhurues i Trepçës. Unë jam rrit në frymë të Trepçës. Me arrit me pru në këtë nivel klubin ka qenë shumë emocionuese. Kur e kemi marrë klubin, klubi ka qenë shumë keq. Në vitin e parë nuk kemi mujt me marrë donacion më shumë se 9 mijë euro. Disa gjëra është dashtë me i pagu prej xhepit tonë. I kemi shpenzu diku 150 mijë euro në investime në palestër. Vitin e ardhshëm ju premtoj tifozëve të Trepçës se kemi me luftu në maksimum”, tha Sefaja.