Ish-shefi i Inteligjencës në Forcën e Sigurisë së Kosovës, Salih Mustafa, i njohur gjatë luftës si komandant Cali, është paraqitur në sallën e gjyqit në Dhomat e Specializuara në Hagë.
Kjo është paraqitja e tij parë prej se u arrestua më 24 shtator të këtij viti dhe menjëherë u transferua në objektin e paraburgimit në Hagë.
Javën që shkoi, Mustafa u arrestua në Kosovë, nga Zyra e Prokurorit të Specializuar në bazë të një fletëarrestimi të lëshuar nga gjykatësi i procedurës paraprake në Dhomat e Specializuara.
Sipas njoftimit nga Zyra e Prokurorit të Specializuar, aktakuza kundër tij u konfirmua më 12 qershor 2020.
Ai ngarkohet me përgjegjësi penale individuale për ndalim arbitrar, trajtim mizor, torturë dhe vrasje të paligjshme, ka shkruar Zyra e Prokurorit të Specializuar.
Salih Mustafa është i arrestuari i parë i Gjykatës Speciale.
https://www.facebook.com/FrontOnlineMedia/videos/759615857924278/
