Pirja e çajit ka përfitime të shumta për shëndetin tonë, por adhuruesit e kësaj pije ndonjëherë mund ta teprojnë. Çaji ka përfitime të shumta për shëndetin tonë dhe është i pasur me kafeinë, flavonoide dhe fluor.

Studimet kanë treguar se pirja e tre filxhanëve çaj në ditë mund të zvogëlojë rrezikun e sëmundjeve të zemrës me 11 për qind. Megjithatë, konsumimi i tepërt i çajit mund të çojë në disa probleme.

Gjegjësisht, çaji përmban rreth 40 mg kafeinë për filxhan, sipas rezultateve të Universitetit Brown. Konsumimi i tepërt i çajit mund të çojë në varësinë ndaj kafeinës, gjë që do t’ju vështirësojë përqendrimin, do t’ju bëjë të ndiheni nervoz ose do t’ju prishë ritmin e gjumit.

Nga ana tjetër, besohet se tanina nga çaji mund të ndërhyjë në aftësinë e trupit për të absorbuar hekurin nëse konsumohet në sasi të tepërt. Përveç kësaj, sasitë e tepërta të çajit mund të ndikojnë në veprimin e disa barnave.

Sa shumë çaj është shumë?

Studime të shumta janë përpjekur t’i përgjigjen kësaj pyetjeje. Disa thonë se mjafton të pini nga dy deri në katër filxhanë çaj në ditë, ndërsa të tjerë thonë se nuk duhet të pini më shumë se 10 filxhanë në ditë, shkruan Times of India. Mesatarisht, tre deri në pesë filxhanë çaj në ditë janë të mira./FrontOnline/