Nga MPB kanë treguar se janë rreth 29000 armë me leje në Kosovë, e që këto i posedojnë rreth 20 mijë persona.
Numri i armëve pa leje po vazhdon të jetë i madh në Kosovë.
Kjo tregohet edhe nga rastet e shumta të raportuara nga Policia e Kosovës, për vepra të ndryshme penale.
Por një tregues i mirë janë edhe statistikat nga Policia e Kosovës, ku brenda kësaj periudhe vjetore janë konfiskuar afro 1 mijë armë të llojeve të ndryshme në vend.
Si rezultat i punës dhe angazhimeve, Policia e Kosovës me njësitet e ndryshme policore gjatë periudhës njëmbëdhjetë (11) mujore të këtij viti, ka konfiskuar mbi 930 armë të llojeve të ndryshme, përderisa po ashtu ka konfiskuar mbi 22.250 municion të llojeve të ndryshme.
E një fushatë për legalizimin e tyre, ishte marrë vite më parë nga Ministria e Punëve të Brendshme, mirëpo që pati pak sukses.
Por, sa është numri në total i armëve që posedojnë leje nga ky MPB?
Janë rreth njëzetenëtëmijë (29000) armë me leje duke përfshirë edhe ato që janë në procedure. Këto armë mund ti posedojnë rreth njëzetmijë (20000) persona, sepse një person mund të posedojë më shumë se një armë.
Ndërkohë, për tu pajisur me leje të armës, janë disa procedura që duhet ndjekur.
