×
  • Bota/Rajoni
  • Bota/Rajoni

    Rusia godet me dronë një hotel në një qytet ukrainas në Detin e Zi

    FrontOnline
    28 Prill 2024

    Të dielën herët në mëngjes dronë rusë goditën qytetin Mykolaiv të Detit të Zi, duke i vënë flakën një hoteli dhe duke dëmtuar infrastrukturën energjetike të zonës. Ky zhvillim u njoftua nga guvernatori lokal ukrainas Vitaliy Kim dhe vjen në një periudhë mungesash në municioneve që po vazhdojnë të pengojnë përparimin e trupave ukrainase në luftën më shumë se 2-vjeçare kundër Rusisë.

    Zoti Kim tha se dronët rusë “dëmtuan rëndë” një hotel në kryeqytetin e rajonit, duke shkaktuar një zjarr që më vonë u shua. Ai shtoi se sulmi dëmtoi infrastrukturën që siguron ngrohje për qytetin, por nuk dha detaje të metejshme. Sulmi nuk shkaktoi viktima.

    Agjencia Shtetërore ruse RIA shkruante se sulmi në Mykolaiv kishte në shënjestër një kantier detar ku montohen dronë detarë, si dhe një hotel ku siç pretendoi ajo, strehohen “mercenarë anglishtfolës” që kanë luftuar për Kievin. Në njoftimin e RIA-s citohej Sergei Lebedev, që njihet si koordinatori i guerilasve lokale pro-Moskës. Pretendimet e tij nuk mund të verifikoheshin në mënyrë të pavarur.

    Gjithashtu të dielën në mëngjes, Ministria ruse e Mbrojtjes tha se 17 dronë ukrainas ishin rrëzuan gjatë natës në katër rajone në jugperëndim të vendit. Tre dronë ishin goditur pranë një depoje nafte në Lyudinovo, një qytet industrial rreth 230 kilometra në veri të kufirit me Ukrainën, tha guvernatori Vladislav Shapsha.

    Një nga dronët ukrainas dëmtoi infrastrukturën e komunikimit në provincën jugore të Rusisë Belgorod, në kufi me Ukrainën, tha më vonë të dielën guvernatori Vyachaslav Gladkov. Autoritetet nuk njoftuan për viktima.

    Sulmet ruse të shtunën dhe gjatë natës duke u gdhirë e dielë plagosën të paktën shtatë civilë në të gjithë Ukrainën, sipas zyrtarëve në vend. Një grua 36-vjeçare u nxor e gjallë nga rrënojat pasi predhat ruse të dielën në mëngjes shkatërruan shtëpinë e saj në rajonin verilindor të Kharkivit, njoftuan përfaqësues të administratës lokale. Fqinji i saj 52-vjeçar u dërgua me urgjencë në spital për shkak të një plage në stomak.

    Rajonet e Donetskut dhe Kharkivit janë përballur me përleshje të ashpra javët e fundit, ndërsa forcat ruse po kërkojnë të përparojnë përgjatë vijës së frontit prej më shumë se 1000 kilometrash, ndërkohë që mungesat në municioneve kanë penguar gjithnjë e më shumë mbrojtjen ukrainase./Express

    Vedat Bajrami banori më i ri në Big Brother VIP Kosova
    Nga Rubrika
    Bota/Rajoni18 Maj 2024
    Shqipëria, prej vitesh, vuan mungesën e fuqisë punëtore. Për ta lehtësuar këtë problem, Qeveria është në negociata me Filipinet për një marrëveshje...
    Bota/Rajoni18 Maj 2024
    Kryeministri i Sllovakisë, Robert Fico, mbetet në një gjendje të qëndrueshme, por të rëndë. Ministrja sllovake e Shëndetësisë, Zuzana Dolinkova, tha të...
    Bota/Rajoni18 Maj 2024
    Të paktën 50 persona kanë humbur jetën si pasojë e përmbytjeve në Afganistan, ndërsa janë shkatërruar rreth dy mijë shtëpi e janë...
    Të tjera
    Lajme18 Maj 2024
    Presidentja e Kosovës, Vjosa Osmani e ka uruar Andrej Plenkoviqin, për mandatin e tretë si kryeministër i Kroacisë. Osmani, mes tjerash theksoi...
    Lajme18 Maj 2024
    Në Qendrën Kryesore të Mjekësisë Familjare qytetarët nuk po i marrin të gjitha shërbimet. Mjekët, si dermatologët, pediatrit e internistët, sipas një...
    Bota/Rajoni18 Maj 2024
    Shqipëria, prej vitesh, vuan mungesën e fuqisë punëtore. Për ta lehtësuar këtë problem, Qeveria është në negociata me Filipinet për një marrëveshje...
    Sport18 Maj 2024
    Tyson Fury dhe Oleksandr Usyk do të përballen sonte në meçin për titullin kampion të peshave të rënda. Kjo përballje pritet të...
    Lajme18 Maj 2024
    Policia e Kosovës ka konfirmuar se Enver Sekiraqa nuk është gjetur në shtëpi gjatë së premtes dhe të shtunës, pas vendimit të...
    Lajme18 Maj 2024
    Enver Sekiraqa, i cili më 3 maj 2024 u dënua nga shkalla e parë me 25 vite burgim për nxitje në vrasjen...

    FrontOnline, © 2024 Të gjitha të drejtat e rezervuara.