×
  • Lajme
  • Front TV
  • Front TV

    Rukiqi: Qeveria është shkëputur nga realiteti, po rëndohet xhepi i qytetarëve

    FrontOnline
    20 Maj 2023

    Ish-kryetari i Odës Ekonomike të Kosovës, Berat Rukiqi, e ka vlerësuar si të rëndë gjendjen ekonomike në vend.

    Sipas tij, me mosveprimet e Qeverisë, po vazhdon të rëndohet xhepi i qytetarëve.

    Anëtari i Lidhjes Demokratike të Kosovës (LDK) konsideron se qytetarët janë në gjendje më të vështirë se sa para dy vitesh.

    Goditje të madhe, sipas Rukiqit po i jep edhe inflacioni i lartë dhe ngritja e çmimeve. Për këto të dyja, sipas Rukiqit do të duhej të ishte alarm për Qeverinë e Kosovës.

    “Për të reaguar duhet me pranuar që ke një krizë. Nëse sot e pyet një qytetar se a qëndron më mirë sa i përket mirëqenies sa i përket përballimit të kostos së jetës në raport me para dy viteve, secili sigurisht se ka me u përgjigj që është në gjendje shumë më të vështirë dhe shumë më të rëndë ekonomike edhe normalisht se do duhej të ishte një lloj alarmi për Qeverinë për të vepruar”, u shpreh Rukiqi, teksa thotë se ekzekutivi nuk po e pranon që ka krizë ekonomike.

    “Kur një Qeveri e merr pushtetin, e ka për detyrë të kujdeset që jetesa e qytetarëve të jetë më e mirë, që qytetarët të kenë mundësi të përballojnë kostot e jetesës dhe fatkeqësisht Qeveria nuk e pranon që ka një krizë ekonomike në vendin tonë e cila nuk është në tërë dimensionin e krizës ekonomike mirëpo është e pjesshme dhe është në një pikë të ndjeshme, për shkak se preket drejtpërdrejt xhepi i qytetarëve dhe që është kjo rritja e vazhdueshme e rritjes së çmimeve në dy vitet e fundit, një inflacion që nuk e ka parë vendi dhe në të njëjtën kohë një mosveprim që nuk e ka parë vendi”, thotë Rukiqi, për EO.

    Teksa ka folur për platformën “Superpuna”, Rukiqi e vlerëson si joreale, pasi thotë se krijimi i vendeve të punës mund të bëhet edhe pa subvencione në periudha të caktuara.

    Rukiqi thotë se Qeveria Kurti është “shkëputur me realitetin”.

    “Në rrethana normale për një periudhë të caktuar edhe pa subvencione mund të hapen një numër i tillë i vendeve të punës, pra kur na flet Qeveria, unë kam përshtypjen se janë shkëputur me realitetin dhe ishte dëshmia e raportit të Bankës Botërore për dekadën e fundit që vlerësoi çdo element sa i përket avancimit ekonomik të Kosovës në pikat kyçe, përfshirë edhe GDP për kokë banori”.

    “Pra shihet se sot Kosova ka bërë atë progres në dekadën e fundit dhe kur na vijnë këto paraqitje të Qeverisë me platforma si ‘Superpuna’, përshtypja ime është që kjo Qeveri ka një shkëputje me realitetin, edhe në të kaluarën edhe në të tashmen”, thotë Rukiqi.

    Në MINIMAX kanë filluar zbritjet finale me çmime fikse 2€, 5€, 7€, 9€
    Nga Rubrika
    Kronika18 Qershor 2024
    Një person është arrestuar në Pejë, pasi që gjatë kontrollit në veturën e tij janë gjetur dhe konfiskuar një pistoletë Zoraki me...
    Kronika18 Qershor 2024
    Një burrë në Prishtinë ka raportuar se dikush ka hyrë në banesën e tij dhe ka vjedhur një shumë të parave. Rasti...
    Kronika18 Qershor 2024
    Një person është raportuar i zhdukur në Pejë. “Ankuesi mashkull kosovar ka raportuar rastin e lartcekur lidhur me viktimën mashkull kosovar”, thuhet...
    Të tjera
    Lajme18 Qershor 2024
    Presidentja Vjosa Osmani ka shpërndarë një video me një përmbledhje nga pjesëmarrja e saj në Samitin për Paqe që u mbajt në...
    Lajme18 Qershor 2024
    Sekretari i AAK-së, njëherit kryetar i OVL-UÇK-së në Pejë, Gazmend Syla, për FrontOnline thotë se pensionet që marrin aktualisht veteranët e UÇK-së,...
    Lajme18 Qershor 2024
    Temperatura të larta do të ketë të martën në Kosovë. Sipas Institutit Hidrometeorologjik të Kosovës temperaturat maksimale do të jenë nga 28-32...
    Lajme18 Qershor 2024
    Një ngjarje tragjike ka ndodhur mëngjesin e sotëm në Prizren, ku një grua dyshohet se është vetëvrarë. Lajmin e ka konfirmuar Shaqir...
    Lajme18 Qershor 2024
    Deputeti i PDK-së, Hisen Berisha, për FrontOnline, thotë se është detyrim ligjor që kategoria e veteranëve të luftës, të jetë nën nivelin...
    Lajme18 Qershor 2024
    Bashkimi Evropian ka thënë se afati i dorëzimit të raportit të Përfaqësuesit të Lartë të BE-së, Josep Borrell, rreth masave të vendosura...

    FrontOnline, © 2024 Të gjitha të drejtat e rezervuara.