×
  • Lajme
  • Front TV
  • Front TV

    Rukiqi: LDK-ja do të dalë fituese e zgjedhjeve, faktet në terën tregojnë se ka rënie të përkrahjes për këtë Qeveri

    FrontOnline
    01 Prill 2024

    Anëtari i Kryesisë së Lidhjes Demokratike të Kosovës Berat Rukiqi, ka thënë se deklaratat e kryeministri Albin Kurti, që është i gatshme për zgjedhje, janë dorëzim nga qeverisja pa ndonjë rezultat.

    Rukiqi ka thënë se një kryeministër që nuk arrin me qeverisë me mbi 50 për qind të votave, duhet që të jap dorëheqje dhe të mos kthehet më, pasi me këtë Qeveri, Rukiqi sheh dëm të madh për vendin.

    Ai ka thënë se kjo qeveri është dorëzuar duke përdorur kartat e viktimizimit në mënyrë që të fitoj ndonjë votë.

    “Dorëzimi, dorëzim nga detyra, pra ka marr një mandat shumë të fuqishëm të pa precedent dhe prapë po dorëzohet. Po dorëzohet nga paaftësia, po dorëzohet nga mos përballimi i presionit, po dorëzohet nga qeverisja pa ndonjë rezultat. Normalisht ky dorëzim tentohet të shndërrohet në kartë të viktimizimit i cili më shpresën e tyre mund të kthehet edhe në ndonjë votë më shumë. Realisht ne e kemi thënë, e themi zëshëm që ata që dorëzohen duhet të japin dorëheqje jo me shikuar që ikjen ta bëjnë më të lehtë duke shfrytëzuar opozitën dhe viktimizimin. Kryeministri që dorëzohet, kryeministri që nuk arrin me qeverisë me 50 plus për qind duhet të jap dorëheqje dhe të mos kthehet më, për shkak se realisht ka bërë dëme dhe nuk ka treguar as një rezultat”, ka thënë ai.

    Rukiqi ka thënë se nuk ka parti më të gatshme se LDK-ja që të shkoj në zgjedhje, kjo pasi sipas tij, partia ka kaluar në një proces zgjedhor të plotë në strukturat e brendshme.

    Ai ka thënë se zgjedhjet duhet të vin si rezultat i një procesi që e konstaton dorëzimin e qeverisë, pra me dorëheqjen e kryeministrit.

    “Nuk besoj që ka parti që është më e gatshme, do të thotë ne kemi kaluar në një proces komplet të plotë në strukturat e brendshëm. Në zgjedhjen e organeve të reja të partisë, në fuqizimin e mandatit të kryetarit Abdixhiku, kemi program të detajuar për qeverisje. Kemi pasur vazhdimisht edhe vazhdojmë që të kemi takime në secilën pjesë të Kosovës. Normalisht kemi bërë edhe një reforme të domosdoshme e cila mundëson që profili i partisë të plotësohet me kuadro që janë të gatshme për me qeverisë. Kështu që duke i marr parasysh gjithë këta parametra e themi me plotë bindje që nuk ka parti që është me e gatshme për zgjedhje. Po zgjedhjet duhet të vin si rezultat i një procesi që e konstaton dorëzimin e qeverisë, arsyet pse kjo qeveri po dorëzohet dhe normalisht dorëheqjen e kryeministrit. Ne jemi të hapur për çdo periudhë e cila është periudhë e arsyeshëm edhe në aspektin formalo-juridik edhe në aspektin praktikë për organizim të zgjedhjeve”, ka thënë ai.

    Rukiqi ka thënë se të gjitha faktet në terën flasin që ka një rënie të përkrahjes për këtë qeveri.

    Ai ka thënë se duke parë deponimin e elektoratit, LDK-ja do të dalë parti fituese e zgjedhjeve.

    “Jo ne nuk flasim për çështje hipotetike, nuk është temë kjo tani, ne në zgjedhje garojmë vetëm dhe garojmë për të qenë parti fituese. Gjitha faktet në terën flasin që ka një rënie të përkrahjes për këtë qeveri  duke i parë të gjitha dështimet që i kanë edhe normalisht duke parë edhe deponimin e elektoratit tonë i cili do të dal parti fituese të zgjedhjeve. Do ta kthej aty ku ka qenë në kuotim të asaj qe ka qenë parti e rëndësishme në çdo proces për vendin dhe ka qenë parti që ka ditur me qeverisë edhe ka jep rezultate dhe jetë më të mirë për qytetarët e vendit”, ka thënë ai për EO.

    OFERTË për Black Friday, Festën e Flamurit dhe Pikën e Re në Petrol Company
    Nga Rubrika
    Lajme17 Prill 2024
    Presidenti i Kroacisë Zoran Milanoviq është shprehur sot e mbështet anëtarësimin e Kosovës në Këshillin e Evropës pavarësisht se Presidenti i Serbisë...
    Lajme17 Prill 2024
    Deputetja nga Lista Guxo, Jeta Statovci, bllokimin e qindra qytetarëve në pikat kufitare nga autoritetet serbe, e ka cilësuar si sinjal pasqyrues...
    Lajme17 Prill 2024
    Ambasadori dhe përfaqësuesi i Shqipërisë pranë Këshillit të Evropës (KiE), Dastid Koreshi, ka vlerësuar se një koordinim i jashtëzakonshëm dhe punë intensive...
    Të tjera
    Bota/Rajoni17 Prill 2024
    Deputeti shqiptar në Parlamentin e Serbisë, Shaip Kamberi, ka deklaruar se 14 shqiptarë të rinj nga Bunajovci, janë ndaluar në pikën kufitare...
    Sport17 Prill 2024
    Real Madridi ka arritur të kalojë në epërsi ndaj Manchester Cityt. Ishte Rodrygo i cili shënoi në minutën e 12-të të ndeshjes....
    Kronika17 Prill 2024
    Një person është arrestuar lidhur me rastin tragjik të vdekjes së 23-vjeçares ukrainase, Olena Kozii në autostradën “Arbën Xhaferi”, në muajin shkurt....
    Lajme17 Prill 2024
    Ministria e Punëve të Brendshme ka njoftuar se dhjetë (10) pjesëtarë të Policisë së Kosovës janë në mesin e të ndaluarve nga...
    Vip17 Prill 2024
    Ndonëse është munduar të jetë sa më hermetik për jetën e tij private, Liam sot ka “hapur zemrën” dhe ka treguar për...
    Sport17 Prill 2024
    Tashmë sezoni në Superligën e Kosovës në basketboll ka hyrë në fazën më të nxehtë të saj. Trepça, Peja, Ylli janë skuadrat...

    FrontOnline, © 2024 Të gjitha të drejtat e rezervuara.