Që 16 vjet e bën punën e njëjtë.

Hyrja deri në 800 metra nën tokë e po ashtu edhe dalja varet nga sinjalet që i jep nga poshtë ai dhe disa punëtorë të tjerë.

I mjafton vetëm një telefonatë dhe gjithçka fillon aty.

Është ky Ramadan Beqiri, i cili punon si makinerist i stabilimenteve bartëse në minierën e Stantërgut në Trepçë.

Beqiri thotë se në punën e tijka shumë përgjegjësi, pasi që një lëvizje e gabuar mund të shkaktojë probleme të mëdha.

Që nga viti 2004 kur edhe e ushtron këtë profesion, thotë se nëntë vjet ndërrimin e motmoteve e ka festuar në Trepçë, larg familjes.

“Prej 2004 deri tash i bien 16 vjet punë, edhe brenda këtyre 16 vjetëve punë më ka ra diku mesatarja 9 vjet me e përcjell Vitin e Ri në kujdestari ta quaj kështu kujdestari. Faktikisht Vitin e Ri e kam festuar në vendin e punës”, ka treguar ai për FrontOnline.

Derisa rrëfen për momentet që ka kaluar, thotëse pamundësia e të qëndruarit me familje për festë e ka bërë të ndihet jo edhe aq mirë.

“Është pak vështirë me u nda prej familjes, por e kemi ditë që kemi me festu prapë ditën e dytë të Vitit të Ri ose më 1 janar. Pasi nuk je në familje, heton një mungesë familjare, por ne këtu në minierë jemi familje e dytë ndoshta mund ta quaj me gjithë komplet shoqërinë, me përjashtim se prodhimi nuk punon por punojnë pompat thithëse të ujit,”, ka thënë Beqiri.

Por, pavarësisht kësaj deklaron se edhe familja e kanë kuptuar pozitën e tij dhe nuk kanë pasur çfarë të bëjnë.

E, pas disa vjetëveBeqiri, Vitin e Ri 2021 do ta festojë së bashku me familjen e tij.

“Jo, për fat këtë vit po me bie ditë pushimi mua, veç kolegëve të tjerë ju bie mepunu”, ka treguar Beqiri.

Ai thotë se puna të cilën ai e bën për të në fillim ka qenë e vështirë, por mungesa e punëtorëve për këtë lëmi ka bërëqë ky të bartet në këtë pjesë.

“Kjo punë ka qenë e vështirë pak, sepse ne jemi teknik të xehetarisë, por mungesa e makineristëve të rinjka bërë që ne të kalojmë në këtë vendin e punës sepse edhe këtu duhet me qenë teknik i makinerisë”, është shprehur ai.

Derisa Beqiri, ka shpjeguar ecurinë e punës, FrontOnline përmes kamerës ka xhiruar edhe punëtorët e nëntokës të cilët thonin se pa punën e tij ata nuk mund të hyjnë dhe të dalin nga miniera.

E, destinacioni i parë ku gjithçka filloi ishte horizonti i pestë ku fillimisht duhej të përdornim liftin.

Në këtë horizont takuam dy punëtorë të cilët për nëntë orë qëndrojnë nën tokë.

Ata shpjeguan punën që bëjnë, derisa për makinat thithëse të ujit thanë se duhet të kenë shumë kujdes, pasi që një gabim mund të kushtojë shumë dhe aty gjithçka të mbushet me ujë.

Ecjen tonë e vazhduam edhe në horizontin e 11, 800 metra nëntokë.

Aty nuk sheh asgjë tjetër pos makina e punëtorë, ndërsa secili nga ta mundohej ta shpjegonte punën e tij në mënyrën më të mirë të mundshme.

Kurse, pavarësisht lodhjes nuk u mungonte as buzëqeshja../FrontOnline/