Policia e Kosovës ka dhënë detaje për një rrahje në Gjilan e cila ka përfunduar edhe në plagosje me armë të ftohtë.
Sipas policisë së Kosovës, 4 persona, si pasojë e një përleshje të mëhershme gjatë ditës kanë sulmuar një grup të rinjsh tjerë prej 5 personash.
Gjatë përleshjes, është përdorur edhe një thikë dhe lëndime ka pësuar një i ri.
“Rr. Abdullah Tahiri, Gjilan 15.05.2022-21:40. Është arrestuar i dyshuari mashkull kosovar pasi që i njëjti së bashku edhe me disa (tre) shokë, dyshohet për shkak se kishin pas mosmarrëveshje e përleshje më herët (gjatë ditës), kanë sulmuar fizikisht një grup (5) të rinjsh, dhe për pasojë njëri prej tyre-viktima mashkull kosovar kishte pësuar lëndime nga një mjet i mprehtë-thikë. Viktima është dërguar për tretman mjekësor në QKUK, ndërsa njësitet policore kanë gjetur e konfiskuar mjetin-thikën e cila dyshohet të jetë përdorur në rast. Me vendim të prokurorit, i dyshuari pas intervistimit është dërguar në mbajtje”.