Janë mbyllur tri ndeshjet e sotme në kuadër të Superligës së Kosovës në futboll.
Në kuadër të javës së 11-të, tri ndeshje interesante u zhvilluan sot në Merdare, Gjilan dhe Malishevë, shkruan FrontOnline.
Në Merdare, Drita ka regjistruar fitore të vështirë ndaj Llapit me rezultat, 1:3.
Me këtë fitore, Drita ndodhet në vendin e dytë me 19 pikë të tubuara, kurse Llapi në vendin e shtatë me dhjetë sosh.
Nga ana tjetër, Gjilani e ka marrë një fitore tejet të rëndësishme në shtëpi ndaj Feronikelit.
Skuadra e Ismet Munishit e ka mposhtur Feronikelin me rezultat minimal, 1:0.
Me këtë fitore, Gjilani është lider i ri në tabelë me 20 pikë, kurse Feronikeli bie në vendin e fundit me vetëm dhjetë pikë.
Për fund, Ulpiana i është “hakmerrur” Malishevës duke e mposhtur si mysafir me rezultat 1:2.
Me këtë fitore, Ulpiana mbetet në vendin e nëntë me dhjetë pikë, kurse Malisheva në vendin e gjashtë me 12 sosh./FrontOnline/