×
  • Bota/Rajoni
  • Bota/Rajoni

    Regjistrimi i popullsisë në Luginë të Preshevës konsiderohet i rëndësishëm

    FrontOnline
    25 Shtator 2022

    Në Serbi nga fillimi i muajit të ardhshëm nis regjistrimi i popullsisë, ekonomive familjare dhe banesave.

    Shqiptarëve të Luginës së Preshevës, përfshirë edhe atyre që janë larguar nga vendlindja, u bëhet thirrje që t’i përgjigjen këtij regjistrimi. Kujtojmë se dhjetë vjet më parë, shqiptarët kishin bojkotuar regjistrimin e popullsisë, që më pas Serbia e shfrytëzoi si pretekst për fshirjen nga listat dhe për zvogëlimin e buxhetit për Komunën e Preshevës dhe Bujanocit.

    Nga një deri më tridhjetë e një tetor në Serbi nis aksioni i regjistrimit të popullatës. Ndryshe nga dhjetë vite më parë, kur shqiptarët e patën bojkotuar regjistrimin në Serbi, partitë politike që i tubojnë shqiptarët e Luginës së Preshevës kësaj radhe kanë arrit konsensus për pjesëmarrje në regjistrim.

    Por përkundër unifikimit rreth këtij qëndrimi, sipas përfaqësuesve të shoqërisë civile po mungon një fushatë sensibilizuese.

    “Regjistrimi i popullsisë në Luginë të Preshevës është shumë i rëndësishëm, ne i ftojmë qytetarët e Luginës që të marrin pjesë në regjistrim, por shohim se po mungon një fushatë sensibilizuese nga të gjitha partitë politike në Luginë të Preshevës. Pasojat janë të mëdha pasi që mos regjistrimi i tyre po rrugëton drejt shlyerjes nga regjistri civil”, thotë për RTK-në Shefki Jonuzi nga OJQ “Vizioni për Zhvillim dhe Kooperim”.

    ”Partitë politike janë vetëdijesuar dhe e kanë kuptuar se plotë dhjetë vjet është manipuluar me numrin e shqiptarëve të Luginës së Preshevës. Ky është një moment historik kur shqiptarët mund të dëshmojnë se cili është numri i vërtet i qytetarëve që jetojnë në Preshevë, Bujanoc dhe Medvegjë”, tha Isuf Memeti nga RTV “Aldi”.

    E thirrje për regjistrim tashmë ka bërë edhe ambasadori i OSBE-së i akredituar në Beograd, Jan Braathu.

    ”Madhësia e popullsisë së një pakice kombëtare, ashtu siç arrihet në regjistrimin e popullsisë, vendos edhe për lartësinë e fondeve për Këshillat Kombëtare të Pakicave Kombëtare, që janë të dizajnuara për të ruajtur identitetin kulturor të një grupi të caktuar. Prandaj unë inkurajoj pjesëmarrjen tuaj dhe bashkëpunimin tuaj me regjistruesit si dhe me institucionet që e zbatojnë këtë proces”, tha ambasador i OSBE-së në Serbi, Jan Braathu.

    Se duhet konfirmuar numrin real të shqiptarëve në Serbi, përmes regjistrimit të popullatës e thonë edhe këshilltarët shqiptarë të Kuvendit të Medvegjës.

    “I ftojë gjithë shqiptarët që kanë mundësi edhe ata që s`kanë mundësi të krijojnë kushtet deri në regjistrimin e popullatës dhe të vijnë së paku kryefamiljari dhe të qëndrojnë në shtëpitë e tyre deri sa të përfundon regjistrimi i popullatës”, tha Florim Beha, këshilltari PD-së në Medvegjë.

    Si pasojë e bojkotit të regjistrimit të popullatës dhjetë vite më parë, shqiptarët në Luginë të Preshevës janë përballur me shumë pasoja, tërheqja e institucioneve shtetërore nga pushtetet lokale, mos investimet, zvogëlimin e buxheteve, zvogëlimin e numrit të këshilltarëve në Kuvendin e Këshillit Nacional, deri të shlyerja e shqiptarëve nga regjistri civil. Aktualisht kushtet për regjistrim të popullatës janë të favorshme, meqë një qytetarë mund të ofroj dëshmi për regjistrim edhe për ata që nuk janë rezident në kohën e aksionit për regjistrim.

    KEDS njofton për ndërprerje të rrymës për shkak të punimeve
    Nga Rubrika
    Bota/Rajoni19 Mars 2024
    E gjithë popullsia e Gazës vuan nga pasiguria ushqimore, tha sot Sekretari amerikan i Shtetit, Anthony Blinken, duke cituar të dhënat e...
    Bota/Rajoni19 Mars 2024
    Skena tmerri janë përjetuar natën e 1 marsit nga punonjësit e një minimarketi 7-Eleven në Denver, kur një burrë hyri në dyqan...
    Bota/Rajoni19 Mars 2024
    Një tërmet me magnitudë 5.4 ballë i shkallës Rihter është regjistruar në orët e para të mëngjesit në kufirin mes Afganistanit dhe...
    Të tjera
    Lajme19 Mars 2024
    Çështja e dinarit është dashur të zgjidhet përmes dialogut me qytetarët serb në Kosovë. Kështu po e vlerëson zgjedhjen e kësaj situate,...
    Kronika19 Mars 2024
    Katër gra janë raportuara të zhdukura vetëm dje në Kosovë. Në Gjilan një burrë ka njoftuar se gruaja me të cilën bashkëjeton...
    Lajme19 Mars 2024
    Ka ndërruar jetë Xhavit Ferizi i njohur si Raketa. Lajmin e kanë bërë të ditur familjarët e tij përmes rrjeteve sociale, shkruan...
    Bota/Rajoni19 Mars 2024
    Skena tmerri janë përjetuar natën e 1 marsit nga punonjësit e një minimarketi 7-Eleven në Denver, kur një burrë hyri në dyqan...
    Kronika19 Mars 2024
    Është arrestuar dje në Podujevë një person nën dyshimin se ka kryer sulm seksual. I dyshuari me vendim të prokurorit është dërguar...
    Lajme19 Mars 2024
    Zëvendëskryeministrja e Kosovës, Edita Tahiri ka folur edhe për vendimin e kryeministrit Albin Kurti për ta zbatuar vendimin e Kushtetueses për dhënien...

    FrontOnline, © 2024 Të gjitha të drejtat e rezervuara.