×
  • Lajme
  • Lajme

    Refuzohet kërkesa e fundit për viktimë pjesëmarrëse në gjykimin ndaj Thaçit dhe të tjerëve

    FrontOnline
    12 Shkurt 2024

    Në çështjen gjyqësore ndaj Hashim Thaçit, Kadri Veselit, Rexhep Selimit dhe Jakup Krasniqit, kryetari i trupit gjykues, Charles Smith III ka marrë vendim që të refuzojë një kërkesë për statusin e viktimës pjesëmarrëse në këtë proces.

    Kjo u bë e ditur përmes një njoftimi të Dhomave të Specializuara të Kosovës (DhSK) në Hagë në të cilin thuhet se kjo kërkesë është refuzuar për arsyeje se ka kaluar afati për dorëzimin e kërkesave të tilla.

    “Më 8 shkurt, Trupi Gjykues II refuzoi raportin e fundit me një kërkesë për statusin e viktimës pjesëmarrëse në çështjen Thaçi dhe të tjerët. Trupi Gjykues refuzoi të shqyrtojë themelësinë e kërkesave sepse afati për dorëzimin e kërkesave të tilla në këtë çështje kaloi më 15 shkurt dhe nuk ishin treguar arsye të vlefshme për t’i njohur ato si të vlefshme sipas rregullës 9 (5)(b)”, thuhet në njoftimin e DhSK-së.

    Ndërsa, në arsyetimin e këtij vendimi thuhet se afati për dorëzimin e çdo kërkese për pranimin e viktimave pjesëmarrëse në procedurë ishte deri me 15 shkurt 2023.

    “Paneli thekson se Rregulla 113(1) kërkon që kërkesat për pranimin e viktimave që marrin pjesë në procedurë të dorëzohen “mjaftueshëm përpara hapjes së rastit në pajtim me rregullën 124”. Paneli rikujton se: (i) urdhëroi Zyrën e Regjistrimit që të paraqesë çdo kërkesë për pranimin e viktimave që marrin pjesë në procedura deri më 15 shkurt 2023; 8 dhe (ii) çështja u hap në bazë të Rregullës 124 më 3 prill 2023. Prandaj, siç pranohet nga Mbrojtja e Viktimave, afati kohor për paraqitjen e aplikimeve për pranimin e viktimave pjesëmarrëse në procedurë ka skaduar”, thuhet në arsyetimin e vendimit.

    Sipas asaj që thuhet në vendim, me 19 tetor 2023, Zyra e Pjesëmarrjes dhe Mbështetjes së Dëshmitarëve pranë DhSK-së ka njoftuar mbrojtjen e viktimave se një parashtrues dëshironte të aplikonte si viktimë pjesëmarrëse dhe kishe nevojë për ndihmë në formularin e aplikimit.

    “Paneli vëren se parashtruesi i kërkesës është [RIDAKTUAR],i cili është në dispozicion të VPO. Paneli gjithashtu vë në dukje parashtresat e mbrojtjes së viktimave: (i) Zyra e Pjesëmarrjes dhe Mbështetjes së Dëshmitarëve e informoi Mbrojtja e viktimave më 19 tetor 2023 se parashtruesi dëshironte të aplikonte si viktimë pjesëmarrëse dhe kishte nevojë për ndihmë me formularin e aplikimit; (ii) parashtruesi i kërkesës nuk ishte identifikuar si person i cili ka pësuar dëmtim si rezultat i drejtpërdrejtë i një krimi në aktakuzë; (iii) më 19 tetor 2023, Mbrojtja e Viktimave asistoi aplikantin me procesin e aplikimit dhe tregoi se afati i fundit për dorëzimin e aplikacioneve kishte kaluar; dhe (iv) Aplikanti e kuptoi se Aplikacioni nuk do të pranohej, por megjithatë dëshironte ta dorëzonte atë”, thuhet në vendim duke theksuar se formulari i aplikimit nuk do te ndahet me publikun.

    Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.

    Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

    Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.

    Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020. /BetimipërDrejtësi

    Artani paralajmëron Xhulin: Ruaju!
    Nga Rubrika
    Lajme27 Shkurt 2024
    Ambasadorja gjermane në Serbi, Anke Konrad, në një intervistë për mediat serbe deklaroi se është shumë e rëndësishme që të gjitha marrëveshjet...
    Lajme27 Shkurt 2024
    Kuvendi i Komunës së Prishtinës sot mban mbledhje të jashtëzakonshme për shkarkimin e kryesuesit të Kuvendit, Pëllumb Bajçinovci. Karrigen e kësaj pozite, Front...
    Lajme27 Shkurt 2024
    Presidentja e vendit, Vjosa Osmani është duke qëndruar aktualisht në Doha të Katarit. Ajo përmes një postimi në Facebook, ka thënë se...
    Të tjera
    Vip27 Shkurt 2024
    Mikela Pupa e ftuar në rubrikën e E Diell, “Mos i bjer me top” ka folur për të dashurin e saj aktual....
    Lajme27 Shkurt 2024
    Oficerët doganorë kanë parandaluar tentim-kontrabandimin e pajisjeve elektronike në Vermicë. Sipas një komunikate për media, pas ndalimit të një autobusi, personi përgjegjës...
    Lajme27 Shkurt 2024
    Ministri i Punëve të Brendshme, Xhelal Sveçla, ka pritur në takim Drejtorin Ekzekutiv të Institutit të Krimeve të Kryera gjatë Luftës në...
    Lajme27 Shkurt 2024
    Kolektivi për Mendim dhe Veprim Feminist ka bërë thirrje që nesër (e mërkure) të protestohet kundër vendimit të Apelit për kthimin në...
    Lifestyle27 Shkurt 2024
    Ngrënia e disa ushqimeve mund të ndikojë në shëndetin e zemrës. Deri më tani, disa studime kanë treguar se një dietë e...
    Lajme27 Shkurt 2024
    Deputetja nga radhët e Lidhjes Demokratike të Kosovës, Hykmete Bajrami, ka thënë se në Ministrinë e Mjedisit, Planifikimit Hapësinor dhe Infrastrukturës, janë...

    FrontOnline, © 2024 Të gjitha të drejtat e rezervuara.