×
  • Ekonomi
  • Ekonomi

    Reciprociteti me fjalë i Qeverisë “Kurti 2″/ Rreth 200 milionë € importe nga Serbia

    FrontOnline
    22 Nëntor 2021

    Më shumë se 240 ditë kanë kaluar prej kur Albin Kurti e mori për të dytën herë postin e kryeministrit më 22 mars të këtij viti.

    Megjithatë, as pas 8 muajsh ai nuk ka ndërmarrë akoma asnjë veprim për reciprocitet me Serbinë.

    Kjo ani se kryeqeveritari i tanishëm, para se të ulej në karrigen kryeministrore – gjatës fushatës zgjedhore – zotohej se aplikimi i kësaj mase do të ishte çështje ditësh në mandatin e tij, shkruan “Front Online”.

    Përderisa zotimi i tij momentalisht mbetet vetëm llaf goje, është fakt në anën tjetër se importi i Kosovës nga Serbia vazhdon të jetë i lartë.

    Brenda 7 muajve, prill – tetor, e para mori mbi 190 milionë euro mallra nga e dyta, gjithnjë bazuar në kalkulimin e nxjerr nga të dhënat e Agjencisë së Statistikave të Kosovës për vitin 2021.

    Importet ndër muaj

    Më së shumti mallra Kosova mori nga Serbia në muajin tetor, gjithsej 31 milionë euro.

    Vlerat janë të përafërta sa i përket gjashtë muajve të tjerë:

    25.3 milionë në shtator. Po kaq në maj e qershor. Pak më shumë në prill, 26 sosh.

    E në korrik e gusht, 29.8 respektivisht 28 milionë euro.

    Vlera e eksporteve afër 30 milionë euro

    Rritje shënuan edhe eksportet e Kosovës në raport me Serbinë.

    Ato përgjatë periudhës prill – tetor mbërrijnë vlerën e gati 30 milionë eurove.

    Sidoqoftë, deficiti tregtar i Kosovës mbetet i lartë, diku rreth 160 milionë euro.

    Ministrja Hajdari vazhdon me paralajmërime për reciprocitetin, ekonomistët i dalin kundër 

    Ministrja e Industrisë, Ndërmarrësisë dhe Tregtisë, Rozeta Hajdari, sot gjatë ditës bëri një paralajmërim për vendosjen e reciprocitetit me Serbinë.

    Megjithatë e pranoi se u duhet ende punë që t’i përgatisin institucionet për aplikimin e një mase të tillë.

    “Qeveria është e zotuar që çdo instrument të mbron prodhuesin tonë. Unë reciprocitetin e shoh përfaqësimin e Kosovës edhe në politikë jo vetëm çështja tregtare”, theksoi ajo në një tryezë me temën “Barrierat tregtare mes Kosovës dhe Serbisë”.

    Kundër asaj po i dalin ekonomistët.

    Sipas Mustafë Kadriajt, barrierat tregtare si reciprociteti janë të panevojshme.

    Për këtë, ky ka një arsye të fortë.

    “Sipas meje, besoj që Kosova nuk duhet të ketë masa apo barriera tregtare me asnjë shtet jo veç me Serbinë. Mes shumë arsyeve, edhe për shkak se po hasim në barriera apo refuzime ndërkombëtare pastaj”, deklaroi ai për “Front Online”.

    Më të udhës e sheh vetëdijësimin e konsumatorëve për mosblerjen e produkteve serbe.

    “Ajo çka duhet është që ne si qytetarë duhet të mos konsumojmë produkte serbe”, u shpreh Kadriaj për “Front Online”.

    Kosova ka importuar mbi 3.8 miliardë mallra nga Serbia.

    Shuma e përgjithshme e importeve është nga viti 2008, kur Kosova e ka shpall pavarësinë e deri më tani. /“Front Online”.

     

    Artani paralajmëron Xhulin: Ruaju!
    Nga Rubrika
    Ekonomi20 Korrik 2024
    Agjencia e Statistikave të Kosovës (ASK) , ka njoftuar se të dhënat nga tregtia e Jashtme të mallrave në Kosovë tregojnë për...
    Ekonomi19 Korrik 2024
    Qeveria e Kosovës ka vendosur ta ridizajnojë skemën e shtesave për fëmijët. Kryeministri Albin Kurti tha dje se për disa nëna këto...
    Ekonomi18 Korrik 2024
    Administrata Tatimore e Kosovës, mban konferencën për media ku do të prezantohen rezultatet e arritura gjatë periudhës janar-qershor 2024. Në këtë konferencë,...
    Të tjera
    Lajme20 Korrik 2024
    Agim Musliu nga instituti “Octopus” ka shkruar për atë që ka ndodhur në Serbi përgjatë këtyre tre ditëve, ku një polic serb...
    Lajme20 Korrik 2024
    Kryeministri i vendit, Albin Kurti, ka vizituar Festivalin Anibar që po mbahet në komunën e Pejës. Kurti qëndroi në Galerinë e Arteve...
    Lajme20 Korrik 2024
    Faton Hajrizi intervistën e fundit televizive e kishte dhënë para 10 muajve. Në të ai kishte rrëfyer se si ishte burgosur, e...
    Lajme20 Korrik 2024
    Presidentja e vendit, Vjosa Osmani, është takuar me kryeministrin e Islandës, Bjarni Benediktsson, ku tha se ishte pikërisht Islanda, vendi që i...
    Lajme20 Korrik 2024
    Disa nga të burgosurit shqiptarë në Greqi, kanë njoftuar se kanë filluar një grevë urie. Ata thonë se këtë po e bëjnë...
    Lajme20 Korrik 2024
    Në konferencën e përbashkët me presidentin e Serbisë, Aleksandër Vuçiq, të mbajtur të shtunën në Beograd, kancelari i Gjermanisë, Olaf Scholz tha...

    FrontOnline, © 2024 Të gjitha të drejtat e rezervuara.