Pas reshjeve të shiut disa fshatra në Deçan janë përfshirë nga vërshimet, ku përveç shumë problemeve kanë shkaktuar telashe edhe në furnizimin me energji elektrike.

I pari i komunës së Deçanit, Bashkim Ramosaj thotë se ekipet e N.L “Higjiena” po mundohet të kthejnë situatën në normalitet.

Po ashtu, Ramosaj nëpërmjet një shkrimi në “Facebook” ka treguar edhe se ekipet e KEDS janë duke sanuar problemet e krijuara.

“Reshjet e mëdha të shiut dhe erërat e forta gjatë 48 orëve të fundit kanë shkaktuar telashe të mëdha në komunën e Deçanit,si në vërshime poashtu edhe në furnizimin me energji elektrike. Fshatrat Isniq, Pobergjë, Carrabreg i Ulët, Carrabreg i Epërm,Dubovik, Lloqan dhe qyteti i Deçanit gjithashtu, janë përfshirë nga vërshimet dhe mungesa e enërgjisë elektrike. Deri më tani tri ekipe nga komuna bashkë me N.L,,Higjiena” janë në teren dhe po mundohen që të kthejnë gjendjen në normalitet . Poashtu edhe ekipet e KEDS-it janë duke u munduar që të sanojnë̈ problemet e shkaktuara nga kjo situatë”, ka shkruar Ramosaj.