Bajram Qerkini nga Qendra Burimore për Personat e Zhdukur në Prishtinë ka reaguar pas deklaratave të disa zyrtarëve shtetëror nga Serbia se kushdo që din rreth të zhdukurve nga serbët nuk duhet të tregojë.

I ftuar në Info Magazine në Klan Kosova, Qerkini i quan skandaloze këto deklarata.

“Si e kanë ndjerë vetën dhe çfarë emocione kanë në shpirt kur një njeri udhëheq 7 milionë njerëz dhe flet gjëra skandaloze të cilat si thuhet “nuk hanen me kurgjo”, si mundet një familjar të përpinë këtë dhe mos të thotë se është skandaloze përveç skandalizimit dhe provokime jashtëzakonisht të mëdhaja për këtë kategori e cila sot e kësaj dite kanë mbetur në rrugëkryq pra personat e pagjetur”.

“Nuk flitet sa duhet dhe nuk flitet për të mirën e familjarëve, nuk punohet në vepër ashtu si edhe siç flitet në letër edhe atyre jua kanë çelë gojën mjerisht me fol këso gjërash edhe Bashkësia Ndërkombëtare nuk reagon”.

Qerkini mes tjerash thotë se as politikanët nga Kosova nuk kanë reaguar sa duhet pas këtyre deklarimeve.

“Nuk kanë reaguar as politikanët tanë sa duhet në deklaratën skandaloze të tij, nuk është i vetmi ky – ky ka probleme me vetveten dhe tutet se nesër i thonë vet familjarët serbë se ti e din se ku janë (të pagjeturit) e ne prej teje nuk kemi guxu deri sot me tregu – e sot nuk po dojmë me të pyet sot dojmë me tregu”.

“Deri këtu kanë me ardh familjarët me i thënë ndërsye edhe Stankoviqit”.