Një person është arrestuar të dielën në Prishtinë, pasi që dyshohet se pas një mosmarrëveshje në një parking, ka kanosur me armë dy persona të tjerë.

Rastin e ka konfirmuar Policia e Kosovës, përmes raportit 24 orësh. Policia ka njoftuar se është bërë edhe kontrolli i shtëpisë së të dyshuarit.

Me vendim të prokurorit, i dyshuari është dërguar në mbajtje.

“Është arrestuar i dyshuari mashkull kosovar, pasi që i njëjti pas një mosmarrëveshje në një parking ka kanosur me armë dy viktimat meshkuj kosovarë. Lidhur me rastin është bërë kontrolli i shtëpisë së të dyshuarit. Me vendim te prokurorit i dyshuari dërgohet në mbajtje”, thuhet në raportin 24 orësh.