Politologu Ramush Tahiri thotë se publikimi i aktakuzës ndaj Thaçit dhe Veselit pa konfirmim është precedent i jashtëzakonshëm.

“Kjo është një precedent i jashtëzkonshëm. Nuk ka ndodhur asnjëherë që Prokuroria pa i marrë në pyetje personat që akuzon dhe pa e vërtetu gjykatësi përkatës ta bëjë publike një aktakuzë. Prokurooria ka theksuar se Hashim Thaçi dhe Kadri Veseli po bëjnë përpjekje të fshehta që me e zhbë Gjykatën Speciale. Ky ka qenë arsyetimi por kjo nuk qëndron. Sepse Gjykatën Speciale e ka bërë Kuvendi i Kosovës dhe po ky institucion mund të bëjë ndryshime”, tha Tahiri për RTV21.

Tha se çdo iniciativë për zhbërjen e Gjykatës është legale.

“Çdo iniciativë është legale dhe legjitime dhe s`ka nevojë të jetë e fshehtë dhe asnjëherë s’ka qenë e fshehtë sepse Kuvendi e ka marrë vendimin dhe mund të marrë vendim ndryshe. Por ky nuk është pretekst”, tha ai.