Policia e Kosovës, përmes raportit 24 orësh ka dhënë detaje të reja lidhur me aksidentin me fatalitet në Podujevë, ku humbi jetën çifti mërgimtar nga Malisheva.
Ndërsa, të lënduar kanë mbetur dy fëmijët e tyre.
“Fsh. Sibovc, Podujevë 29.07.2022 – 04:40. Është raportuar për një aksident trafiku mes një veture me targa të huaja dhe një autobusi me targa vendore, në magjistralen Podujevë-Prishtinë. Si pasojë e këtij aksidenti, lëndime vdekjeprurëse kanë pësuar drejtuesi dhe pasagjeri i veturës, viktimat një mashkull dhe një femër kosovarë, vdekjen e të cilëve e ka konstatuar ekipi mjekësor. Poashtu lëndime trupore kanë pësuar edhe dy pasagjerë tjerë, të cilët janë dërguar për tretman mjekësor. Lidhur me rastin në vendin e ngjarjes kanë dalur të gjitha njësitë relevante policore, ndërsa trupat e pajetë me urdhër të prokurorit janë dërguar në IML për obduksion, poashtu drejtuesi i autobusit i dyshuari mashkull kosovar është arrestuar dhe me vendim të prokurorit i njëjti është dërguar në mbajtje”, thuhet në raportin 24 orësh të Policisë./Front Online
