Policia e Kosovës ka njoftuar se gjatë 24-orëshit të fundit janë konfiskuar shtatë armë të cilat nuk posedonin leje, raporton FrontOnline.
Sipas raportit 24-orësh të Policisë, një armë e zjarrit u konfiskua në Prishtinë, një pistoletë në Podujevë, tri raste të tjera në Ferizaj, një në shtime dhe një në Malishevë.
ARMËMBAJTJE PA LEJE
Prishtinë 28.04.2024, 21:45. Njësia policore gjatë një pike kontrolli ka ndaluar të dyshuarin mashkull kosovar dhe gjatë kontrollit kanë gjetur dhe sekuestruar një armë e zjarrit, një karikatorë si dhe 14 fishekë. Lidhur me rastin janë njoftuar institucionet përkatëse. I dyshuari është arrestuar dhe me vendim të prokurorit pas intervistimit i dyshuari është dërguar në mbajtje.
PËRDORIM I ARMËS&ARMËMBAJTJE PA LEJE&KANOSJE
Fsh. Bërvenik, Podujevë 28.04.2024, 12:00. Ankuesi mashkull kosovar ka deklaruar se i dyshuari mashkull kosovar ka shtënë me armë zjarri. Me vendim të prokurorit është bërë bastisja në shtëpinë e të dyshuarit ku gjatë kontrollës janë gjetur dhe sekuestruar një karikatorë dhe 47 fishekë, ndërsa në një objekt përcjellës të shtëpisë së të dyshuarit është gjetur dhe sekuestruar një pistoletë dhe një karikatorë i zbrazët. I dyshuari është arrestuar dhe pas intervistimit me vendim të prokurorit është liruar në procedurë të rregullt.
LËNDIM I LEHTË TRUPOR&ARMËMBAJTJE PA LEJE&ASGJËSIM APO DËMTIM I PASURISË
Rr. Reçaku, Ferizaj 28.04.2024, 18:30. Është raportuar rasti lëndim i lehtë trupor ku pas një mos marrëveshje mes dy grupeve të njëjtit ishin përfshirë në një rrahje dhe kishin pësuar lëndime trupore. Katër te dyshuar meshkuj kosovarë janë shoqëruar në stacionin policor dhe të njëjtit pas intervistimit janë liruar në procedurë të rregullt, ndërsa dy të dyshuar ishin arratisur. Pas një rasti asgjësimi apo dëmtimi i pasurisë në lokalin e njërit të dyshuar, njësia policore ka gjetur dhe arrestuar dy të dyshuarit të cilët ishin arratisur. Gjatë kontrollit te njëri nga të dyshuarit është gjetur një pistoletë dhe një fishek. Pas intervistimit me vendim të prokurorit dy te dyshuarit janë dërguar në mbajtje.
MBAJTJE NË PRONËSI, KONTROLL, POSEDIM I PAAUTORIZUAR I ARMËS
Rr. Zenel Hajdini, Ferizaj / 26.04.2024 – 23:30. Me datën 28.04.2024 në konsultim me prokurorin është inicuar lënda e rastit Mbajtje në pronësi, kontroll, posedim i paautorizuar i armës kundër të dyshuarit mashkull kosovar për shkak të dyshimit se i dyshuari atë armë e kishte përdorë në rast me datën 26.04.2024 për të cilin rast i dyshuari ka qenë në mbajtje.
DHUNË NË FAMILJE
Ferizaj / 28.04.2024 – 03:00. Është arrestuar i dyshuari mashkull kosovar për shkak se në gjendje të dehur ishte kthyer në shtëpinë e tij dhe ndaj viktimës femër kosovare kishte shkaktuar dhunë në familje, me që rast viktima ka pësuar lëndime dhe ka pranuar tretman mjekësor. Është konfiskuar një armë zjarri për shkak se i dyshuari dhe viktima nuk kanë mundur ta prezantojnë lejen e armës. I dyshuari me vendim të prokurorit është dërguar në mbajtje.
MBAJTJE NË PRONËSI, KONTROLL OSE POSEDIM I PAAUTORIZUAR I ARMËS & PËRDORIM I ARMËS APO MJETIT TË RREZIKSHËM
Rr. Kuvendi i Arbërit, Shtime / 28.04.2024 – 10:00. Është arrestuar i dyshuari mashkull kosovar për shkak se kishte gjuajtur me armë zjarri dhe poashtu nuk posedon leje. Njësitë policore kanë dalë në vendin e ngjarjes nga i dyshuari është sekuestruar një pistoletë me 29 fishekë dhe dy gëzhoja të fishekëve të cilat janë gjet në vendin e ngjarjes. I dyshuari pas intervistimit me vendim të prokurorit është dërguar në mbajtje.
ARMËMBAJTJE PA LEJE
Fsh. Bubavec, Malishevë 28.04.2024, 23:00. Njësia policore gjatë një kontrolli në dhomën e të dyshuarit mashkull kosovar ka gjetur dhe sekuestruar një pistoletë me gas si dhe një karikatorë pa fishekë. Me vendim të prokurorit rasti procedohet në procedurë të rregullt.
