Ushtria Çlirimtare e Kosovës [UÇK] me të drejtë cilësohet si formacioni politiko-ushtarak që ka arritur të çlirojë vendin nga sistemi represiv jugosllav. Por, kjo ushtri tashmë ka hyrë në një periudhë të errët madje edhe vetë në Kosovë nga komentet negative që po merr.
Një faqe në Facebook e quajtur Graçanica-Kim së fundi ka publikuar një shkrim për betejën e Koshares ku UÇK-në e cilëson si ushtri kriminale.
“Njëzet e dy vjet më parë, filloi beteja e Koshares. Beteja në kufirin jugosllavo-shqiptar që zgjati 67 ditë, një betejë që mori 108 jetë, vëllezër, heronj të Obiliqit. Një nga betejat më të vështira në historinë e fundit të ushtrisë serbe që u bë simbol i mbrojtjes së atdheut. Të Premten e Madhe, atë 9 Prill, forcat kriminale të të ashtuquajturës Ushtria Çlirimtare e Kosovës, ushtria e rregullt e Shqipërisë dhe NATO-s e udhëhequr nga Amerikanët, të cilët dhanë mbështetje ajrore, filluan një ofensivë të madhe në karaulën e Koshares, në kufirin e atëhershëm të Jugosllavisë dhe Shqipërisë.”
Shkrimin në fjalë e ka shpërndarë edhe një polic serb i Kosovës.
Aleksandër Trajkovic në përshkrimin e tij në Facebook e ka të shkruar se punon si polic në Policinë e Kosovës – e cila u formua nga ushtarët e UÇK-së në vitin 1999.