Hiç më pak se 1.1 milionë euro është vlera e kontratës që ka nënshkruar komuna e Podujevës për ndërtimin e stacionit të autobusëve.
Ujdia është nënshkruar të mërkurën mes saj dhe një grupi operatorësh ekonomikë.
Bëhet fjalë për kompanitë, Eing Com, Loni, Sinani ing &Isars nga Podujeva.
Ato ofetuan me 1 milionë e 165 mijë euro.
Më e lirë se ta ishte oferta vetëm e kompanisë Instruktori, që ofertoi me 937 mijë euro – por që u eliminua për shkak të papërgjegjshmërisë.
Të gjitha ofertat e tjera ishin më të shtrenjta.
“Unique” ofertoi më 1 milionë e 184 mijë euro.
Kompania “Prishtina & Eurovia” më 1 milionë e 84 mijë sosh.
“Grandlite & Rexha” për 10 mijë euro më shtrenjtë.
“Olti Trasing”, ndërkohë, shkoi me një çmim prej 1 milionë e 112 mijë eurove.
Premtimi i Bulliqit
Gjatë fushatës zgjedhore, kreu i Podujevës, Shpejtim Bulliqi, pati premtuar se stacioni i ri pritet të ndërtohet afër ish-hotel “Besiana”.
E në vend të stacionit aktual, siç ishte premtuar gjatë fushatës, do të ndërtohet Tregu i Gjelbërt.
