Një debat me tensione është zhvilluar në seancën e sotme mes Kryeministrit Avdullah Hoti dhe deputetës Mimoza Kusari-Lila, e cila në Kuvendin e Kosovës përfaqëson Lëvizjen Vetëvendosje.
Kjo pas pyetjeve të cilat deputetja Kusari-Lila pati drejt kryeministrit Hoti lidhur me çështjen e Mini-Schengenit, pikë e cila ishte pjesë e marrëveshjes së nënshkruar nga Kosova në Washington.
”Në kuadër të kësaj marrëveshje bënë pjesë edhe zotimi për pjesëmarrjen në nismën e Mini-Schengenit”.
”Në takimet e përfaqësuesve të Shqipërisë, Maqedonisë së Veriut dhe Serbisë, në Ohër dhe Novi Sad ka dalur vetëm një deklaratë politike”.
”Nuk ka asnjë marrëveshje të nënshkruar. Në Washington jemi zotuar që të marrim pjesë në këtë nismë për hartimin e marrëveshjes. Se si do të duket kjo marrëveshje, pritet të shihet se si shkojnë negociatat mes Kosovës e Serbisë”.
”Ne do të marrim pjesë në këtë nismë dhe në të gjitha nismat rajonale”.
Derisa Kusari-Lila ka insistuar në zbardhjen e benefiteve nga Hoti lidhur me pjesëmarrjen e Kosovës në Mini-Schengen, Kryeministri Hoti u shpreh para deputetëve se nuk ka ujdi për këtë çështje,.
”Për Mini-Schengenin nuk ka marrëveshje, as në mesin e tre vendeve që e kanë iniciuar këtë çështje. Tash do të diskutojmë për të çuar përpara këtë nismë”.
”Atë që e garantoj është se Kosova do të merr pjesë për këtë nismë, vetëm si palë e barabartë”.
Madje Avdullah Hoti duke u shfaqur i acaruar ndaj qasjes së Kusari-Lilës, i është drejtuar asaj me fjalët se i ndërron qëndrimet sa herë ndërron subjektet politike.
”Nuk ka asgjë që ne po i bashkohemi”.
”Ne po nisim, tri vende e kanë nisur këtë ide tash ne do t’i bashkohemi kësaj ideje për të negociuar një marrëveshje për lëvizje të lirë për Kosovën si përfaqësuese, shtet i barabartë me vendet tjera”.
” Unë nuk i ndërroj pozicionet. Ti e di mirë këtë, por ti sa herë që ndërron ulëset ndërron pozicionet e tua”.
https://www.facebook.com/FrontOnlineMedia/videos/682260122721019/
