Përfaqësuesja e Zvicrës në krye me Xherdan Shaqirin, Granit Xhakën e Ardon Jasharin e nis kampanjën e sivjetme në Kupën e Botës “Katar 2022” me një përballje ndaj Kamerunit në grupin G, raporton FrontOnline.
Zvicra që shkëlqeu në “Euro 2020”, madje duke eliminuar edhe Francën, kërkon ta nis me fitore botërorin.
Dita e pestë në Kupën e Botës sjell katër ndeshje interesante
Kameruni, nga ana tjetër, ka shumë probleme me lëndime, por synon që të nxjerrë pikë në ndeshjen e sotme ndaj helvetikëve.
Kjo ndeshje do të zhvillohet sot nga ora 11:00 në stadiumin “Al Janoub””, në Al Wakrah.
Problemi i madh i Zvicrës për sot do të jetë në portë ku portieri Yann Sommer nuk ka luajtur nga muaji tetor, derisa mbrojtësi Yvon Mvogo nuk është ftuar shkaku i lëndimit.
Për Kamerunin, Zambo Anguissa ka pasur një lëndim, por që mund të startojë sot nga fillimi.
Në gjashtë ndeshjet e fundit, Zvicra ka tri fitore dhe tri humbje, teksa Kameruni ka dy fitore, dy barazime dhe dy humbje.
Formacioni i mundshëm i Zvicrës: Sommer; Rodriguez, Akanji, Elvedi, Widmer; Xhaka, Freuler; Shaqiri, Sow, Vargas; Embolo
Formacioni i mundshëm i Kamerunit: Onana; Tolo, Castelletto, Nkoulou, Fai; Toko Ekambi, Hongla, Anguissa, Mbeumo; Aboubakar, Choupo-Moting.
Parashikimi i rezultatit: Zvicër – Kamerun 1:0./FrontOnline/
