Deputetja e Partisë Demokratike e Kosovës (PDK), Blerta Deliu-Kodra ka thënë se do ta qojnë në Gjykatën Kushtetuese shkarkimin e ish-kryesuese së KQZ-së Valdete Daka, raporton Front Online.
Ajo e quajti presidenten Vjosa Osmani presidente të njëanshme dhe se e bëri këtë shkarkim në koordinim me kryeministrin, Albin Kurti.
“PDK-ja vlerëson që shkarkimi i saj është kryekëput politik,. Presidentja Osmani e ka shkelur Kushtetutën duke e zbatuar urdhrin e Albin Kurtit dhe VV-së për kapjen e këtij institucioni”, ka thënë ajo.
“PDK-ja këtë vendim e sheh si tendencë të një qeverisje autoritare, e cila provon që të vë në kontroll të gjitha institucionet kyçe. Shkarkimi është politik dhe dëmton demokracinë. Shkarkimi i saj është bërë pas zgjedhjeve të rregullta dhe demokratike që morën vlerësime edhe nga ndërkombëtarët dhe para atyre lokale”, ka thënë Deliu Kodra.
Deliu-Kodra u bëri thirrje edhe partive të tjera opozitare që të i bashkohen kësaj nisme.
“PDK-ja i ka të gjitha nënshkrimet e nevojshme që vendimin e Osmanit për shkarkimin e zonjës Daka ta çojë në Gjykatën Kushtetuese. I ftojmë edhe partitë e tjera që të na bashkëngjiten”, ka thënë ajo. /Front Online/
https://www.facebook.com/FrontOnlineMedia/videos/776062033271283