Kompania Rajonale e Ujësjellësit ‘Hidrodrini’ në Pejë ka bërë të ditur se në kuadër të projektit ‘KOSOVA 5’, se në bashkëpunim dhe financim nga Banka Gjermane për Zhvillim (KfW) dhe Komuna e Pejës ka filluar implementimin e projektit të pastrimit të kanalizimeve në rrugët kryesore të qytetit, me gjatësi totale prej 22 kilometrash.
Sipas njoftimit, projketi po zbatohet me ecuri dhe dinamikë profesionale, ndërsa punimet i ka inspektuar edhe Drejtori Ekzekutiv i KRU ‘Hidrodrini’, ing. Agron Tigani.
Njoftimi i plotë KRU ‘Hidrodrini’:
“Të nderuar konsumatorë,
KRU ‘Hidrodrini’ në kuadër të projektit ‘KOSOVA 5’, në bashkëpunim dhe financim nga Banka Gjermane për Zhvillim (KfW), dhe bashkërendim nga Komuna e Pejës ka filluar implementimin e projektit të pastrimit të kanalizimeve në rrugët kryesore të qytetit, me gjatësi totale prej 22 Kilometrash!
Rrjedhën e zbatimit të punimeve e ka inspektuar dhe vizituar edhe Drejtori Ekzekutiv i KRU ‘Hidrodrini’, ing. Agron Tigani prej nga ka përcjellë së afërmi metodologjinë dhe praktikën e zhvillimit të punimeve.
Ka marrë pjesë në inspektim të punimeve edhe kryetari i komunës së Pejës, Gazmend Muhaxheri.
Ekipet e përbashkëta po sfidohen në mënyrë që tja dalin suksesshëm përfundimit të këtij projekti me rëndësi jetike dhe shumë dimensionale për qytetarin.
Andaj, për të parandaluar bllokimet tjera, apelojmë dhe kërkojmë bashkëpunimin e të gjithë qytetarëve për të mos hedhur mbetjet urbane në kanalizim”, thuhet në njoftim.
