Kuvendi i Kosovës është duke mbajtur seancë ku pritet të votohet projektligji për ndarjen e buxhetit për vitin 2021.

Në këtë seancë prezent është edhe kryetari i partisë Aleanca Kosova e Re, Behgjet Pacolli.

Klan Kosova mëson se pas Etem Arifit, Behgjet Pacolli është personi që ka munguar më së shumti në seancat e Kuvendit.

Kujtojmë se nga AKR kanë deklaruar se do ta votojnë projektligjin e buxhetit për vitin 2021.

“Me gjithë vërejtjet që kemi për planifikimin buxhetor, ne do të votojmë pro projektligjit të buxhetit për vitin 2021, jo për qeverinë por për qytetarin. Prioritet për ne si AKR ka qenë dhe mbetet qytetari”, ka thënë Mirlinda Sopi.