Instituti Hidrometeorologjik i Kosovës bën të ditur se sot do të mbajë mot me vranësira dhe intervale me diell.

Në fushat termike do të kemi rritje në të dy vlerat ekstreme, ndërsa në fushat barike priten rënie të lehta, duke e prishur këtë situatë meteorologjike.

Dita e mërkurë dhe e enjte do të jenë relativisht të ngrohta për periudhën që jemi, por nga dita e premte e tutje parashihet mot jostabil, i përcjellë me reshje shiu dhe bore.

Temperaturat gjatë këtyre dy ditëve do të lëvizin ndërmjet 1-3 gradë Celsius, ndërsa maksimalet e ditës parashihen të lëvizin ndërmjet 9-12 gradë Celsius.

Gjatë vikendit sikur kemi paralajmëruar do të ketë rënie të theksuara të temperaturave dhe reshje bore, kryesisht ditën e shtune.

Kjo dinamikë e motit do të ndikojë dukshëm në përmirësimin e cilësisë së ajrit. Do to të fryjë erë kryesisht nga jugperëndimi me shpejtësi 1-6m/s./FrontOnline/