Në fundjavë më e ftohtë, me reshje shiu dhe bore.  Javën e ardhshme mot i ndryshueshëm dhe më i butë.  Temperaturat maksimale edhe deri në 10C.

Kjo e shtunë sipas Prishtina Weather do të jetë kryesisht e vranët dhe me shi.  Ditën më ftohtë, e të reshurat e shiut do të shndërrohen edhe në borë, që pritet të vazhdojnë edhe gjatë natës.  Vende-vende reshjet mund të jenë më intensive.

27.12 – Më ftohtë, herët në mëngjes reshjet e borës pritet të pushojnë, e pasdite dhe në mbrëmje priten reshje lokale të shiut, të cilat më vonë pushojnë.  Vende-vende mund të bie edhe shi i akullt.

28.12 – Në mëngjes përgjatë ultësirave mjegull ose vranësira të ulëta.  Më pas gjatë ditës pjesërisht vranët, me më shumë intervale me diell.

29.12 – Mot i butë, me vranësira dhe diell.  Në perëndim të vendit me reshje lokale shiu, e më vonë gjatë ditës edhe në pjesë tjera të vendit.

30.12 – Kryesisht me vranësira, e kohëpaskohe priten mundësi edhe për reshje lokale shiu.

Temperaturat e ajrit në fundjavë në rënie, e nga dita e hënë sërish shënojnë rritje mbi vlera mesatare.  Minimalet zbresin në 0C, në fundjavë, e më pas në rritje deri në 5C, e temperaturat maksimale në fundjavë zbresin në 3C, për të shënuar sërish rritje gjatë javës së ardhshme deri në 10C.

Do të fryj erë mesatare dhe mesatarisht e fuqishme nga verilindja 4-14m/s.

Shtypja atmosferike luhatet përreth vlerave normale, e më pas me tendencë të rënies.