Ushtruesja e detyrës së Presidentit, Vjosa Osmani është duke qëndruar për vizitë tre ditore në Shqipëri.

Me nderime të larta shtetërore ajo është pritur nga presidenti shqiptar Ilir Meta, teksa pas takimit të dy dolën në konferencë për media.

Osmani nga Shqipëria foli edhe për çështjen e zgjedhjeve në Kosovë dhe për raportet e saj me liderin e LDK-së, Isa Mustafa.

Ajo tha se Mustafa nuk është i interesuar që vendi të shkoj në zgjedhje.

“Nuk e  besoj që Mustafa është i interesuar që të shkoj në zgjedhje. Unë nuk do të merrem me ato që i thotë, sepse ka një kohë të gjatë që nuk merrem me ato që ai i thotë, sepse jam shumë e zënë duke u marr me sfidat që janë në institucionet e tona e që shumë prej të cilave janë për faj të tij. Çfarë dua të them është që sa më parë që të mbahen zgjedhjet është më mirë për iniciativën qe e kam marrë”, ka thënë ajo.