[wp-story]

Lajme

Nuk respektuan masat antiCovid, Policia për tri ditë gjobit mbi 350 ferizajas

Nuk respektuan masat antiCovid, Policia për tri ditë gjobit mbi 350 ferizajas
10:56 | 26 Nëntor 2020

Policia e Rajonit të Ferizajt ka njoftuar se në tri ditët e fundit janë shqiptuar 364 tiketa ndaj personave që nuk i kanë respektuar masat për parandalimin e përhapjes së koronavirusit.

Përveç gjobave të shqiptuara, Policia ka dhënë edhe 138 vërejtje.

“Këto masa janë respektuar nga shumice qytetarëve, por janë hasur edhe persona të cilët nuk i kanë përfillur të njëjtat dhe nga ana e zyrtarëve policorë gjatë kësaj kohe janë shqiptuar 364 tiketa ndaj personave të cilët nuk i kanë respektuar këto masa të parapara me ligji 07/L-006, si dhe janë dhënë 138 vërejtje”, thuhet në njoftimin e Policisë.

Komunikata e plotë:

Ativitetet dhe masat e ndërmarra në DRP Ferizaj lidhur me Covid 19

Gjatë tre ditëve të fundit, bazuar në vendimet e Qeverisë së Republikës së Kosovës lidhur me masat mbrojtëse kundër virusit Covid 19,njësitet policore të DRP Ferizaj në bashkëpunim me inspektorët komunal janë angazhuar maksimalisht nëpër qendrat tregtare,kafiteritë dhe lokacionet tjera më të frekuentuara nga qytetarët duke monitoruar respektimin e masave nga ana e qytetarëve.

Këto masa janë respektuar nga shumice qytetarëve, por janë hasur edhe persona të cilët nuk i kanë përfillur të njëjtat dhe nga ana e zyrtarëve policorë gjatë kësaj kohe janë shqiptuar 364 tiketa ndaj personave të cilët nuk i kanë respektuar këto masa të parapara me ligji 07/L-006, si dhe janë dhënë 138 vërejtje.

Apelojmë tek qytetarët që ti respektojnë masat e parapara ligjore me qëllim të ruajtjes së shëndetit të tyre dhe familjarëve të tyre.

Policia e Kosovës do të vazhdoj me përmbushjen e detyrave të saj dhe në çdo kohë dhe çdo vend ku do të hasen personat të cilët nuk i respektojnë masat, ndaj tyre do të veprohet sipas ligjit në fuqi./FrontOnline/

Super zbritje në “Petrol Company”

Të tjera