×
  • Lajme
  • Lajme

    “Nuk e dija që po rrija me vrasësin e motrës”, vëllai i Liridona Ademajt: Fëmijët nuk flenë dot pa të

    FrontOnline
    04 Dhjetor 2023

    Vëllai i i Liridona Ademaj ka folur për detajet e vrasjes së motrës së tij nga bashkëshorti Naim Murseli.

    Fillimisht u mendua se ajo humbi jetën gjatë një grabitje, por më vonë u zbulua se ishte Naimi ai që kishte porositur vrasjen e saj. Leonardi shprehet se atë natë ishte në punë dhe lajmin e mori nga gruaja e cila i telefonoi dhe e njoftoi se Liridona kishte vdekur.

    “Atë natë nuk isha në shtëpi, isha në punë, më mori në telefon gruaja e më tha të vranë Liridonën. Kam një kushëri me emrin Liridon dhe mendova se është ai, e ndala telefonin. Më mori sërish në telefon dhe më tha jo Liridonin, por Liridonën. Prindërit ishin të lodhur, rraskapitur, të mërzitur, i çova në spital dhe i bëra qetësues. Shkuam në polici, po merrnin në intervistë Naimin edhe fëmijët. Unë e lexova që Liridona kishte vdekur, por doja të dija motivin dhe arsyen. Dyshova se vrasja ka ndodhur nga grabitja dhe mendova që është kapur me grabitësit, e besova që grabitësit e kanë kryer këtë vepër”, u shpreh Leonardi.

    Vëllai i Liridonës tregon se çfarë i tha Naimi pasi ishte marrë në pyetje nga policia, natën e vrasjes. Ai i shpjegoi si kishte ndodhur vrasja e bashkëshortes, por rezultoi se gjithçka ishte një gënjeshtër.

    “Atë natë kur u vra Liridona, pasi doli nga policia më tha Naimi që ‘më dolën grabitësit, nuk i pashë unë, i pa Liridona e para,  i thashë që t’i jepte të gjitha çfarë kishte në çantë, ajo insistoi. Unë hapa derën për të nxjerrë fëmijët, ndërkohë që Liridona iku’. Nuk e dija që isha duke ndenjur me vrasësin e motës sime. Nuk kam pasur dyshime, nuk doja ta besoja. Me traditat që jemi rritur ne kemi në zakon që nuk premë dikë në besë. Nuk ka shans të ndodhte ajo pabesi, por qenkan më të këqij se ne edhe e bëjnë këtë. Ditën e varrimit, unë kam ndenjur pas tij për të parë një lëvizje të tij, dhe i thosha mendjes ça po mendon kështu. Nuk munda të vëreja diçka. Kishte zëra që atë natë, por nuk donim ta besonim sepse ka qenë në familjen tonë prej 13 vitesh”, u shpreh Leonardi.

    Sipas të vëllait, Liridona dhe Naimi kanë pasur një marrëdhënie korrekte dhe nuk është ankuar asnjëherë tek familja e saj, për asnjë lloj problemi.

    “Ata kanë pasur një marrëdhënie të mirë, nuk kanë pasur grindje dhe tek ne nuk është ankuar kurrë.  Me familjen e Naimit nuk kemi komunikuar, fëmijët janë me familjen e Naimit dhe nuk e dinë që ka vdekur nëna. Nuk janë të informuar, nuk e di çfarë i kanë thënë. E kanë kërkuar sepse janë të lidhur me të dhe nuk flenë pa të, por duke u munduar me zor”, tha Leonardi.

    Vëllai i Liridonës shprehet se nuk e dinë ende arsyen e këtij krimi, por mendojnë që mund të jetë sigurimi i jetës që mund të arrijë deri në 20 milion euro.

    “Ne u munduam që ajo kishte një sigurim, dhe mendoj vetëm atë sepse nuk kishte asnjë grindje tjetër. Ne si familje nuk kemi dyshim tjetër. Atë ditë kur ka ndodhur vrasja ishte shumë e lumtur, me buzëqeshje. Nuk ka pasur asnjë lloj gjëje që të na bënte neve që të dyshonim. Njërin nga bashkautorët e vrasjes nuk e njoh, ndoshta vetëm si figurë, të akuzuarin e dytë e njoh ka qenë në shtëpinë tonë, na lidhin çështjet familjare, Naimin dhe Kushtrimin i njoh shumë mirë. I kërkoj policisë, medias të zbardhet në detaje dhe vrasësit të marrin dënimin maksimal”, u shpreh Leonard Ademaj, tha në “Shqipëria Live”.

    “Petrol Company” në natën e “Kurban Bajramit” e bën me shtëpi të re familjen nga Skenderaj
    Nga Rubrika
    Lajme25 Shkurt 2024
    Ish nënkryetarja e komunës së Prishtinës dhe ish ushtruesja e detyrës së drejtoreshës së Arsimit, Donjeta Sahatçiu, ka reaguar pas anulimit të...
    Lajme25 Shkurt 2024
    Lëvizja Vetëvendosje ka shkruar se janë bërë 5 muaj që prej sulmit ndaj Policisë së Kosovës më 24 shtator të vitit të...
    Lajme25 Shkurt 2024
    Kryetari i Degës i PDK-së në Skënderaj, Sami Lushtaku, ka bërë të ditur se e ka vizituar deputeten e këtij subjekti, Ganimete...
    Të tjera
    Lajme25 Shkurt 2024
    Ka vdekur infermierja e pensionuar Zyrafete Shehu. Kështu ka njoftuar Oda e Infermierëve, Mamive dhe Profesionistëve tjerë Shëndetësor të Kosovës. Ajo kishte...
    Bota/Rajoni25 Shkurt 2024
    Kryesuesi i ekipit të Serbisë në dialog, Petar Petkoviq, ka bërë të ditur se do të marrë pjesë në raundin e ri...
    Vip25 Shkurt 2024
    Moderatorja dhe këngëtarja e njohur Luana Vjollca është mjaftë aktive në mediat sociale. Ajo ka befasuar ndjekësit teksa publikon një video ku...
    Vip25 Shkurt 2024
    Silvi Forte është banori më i ri i shtëpisë së Big Brother Vip, i cili u fut mbrëmjen e djeshme, së bashku...
    Bota/Rajoni25 Shkurt 2024
    Policia shqiptare ka arrestuar një 30-vjeçar në Kavajë, nën dyshimin se bashkë me vëllain e tij pasi e rrahën një 25-vjeçar e...
    Sport25 Shkurt 2024
    Më 25 mars, kombëtarja e Shqipërisë do ta luajë një ndeshje miqësore kundër Suedisë. Ndeshja do të zhvillohet në ora 19:00 në...

    FrontOnline, © 2024 Të gjitha të drejtat e rezervuara.