I dërguari i BE-së për dialogun Kosovë – Serbi, Miroslav Lajçak, është shprehur sot se Kosova duhet ta ndryshojë Kushtetutën për Asociacionin, pasi që sipas tij, Kushtetuta e vendit nuk është Bibël.

Një deklaratë e tillë nuk është pritur mirë nga njohësi i Kushtetutës dhe çështjeve jurdike në vend, Mazllum Baraliu.

Ai ka thënë se Kushtetutën e vendit mund ta ndryshojnë Qeveria, deputetët e Kuvendit të Kosovës dhe presidenti Thaçi.

Mirëpo, sipas tij një deputet i cili mbron interesat e qytetarëve, nuk do ta votonte ndryshimin e Kushtetutës.

Përndryshe Baraliu ka thënë se deklarata e Lajçakut është skandaloze dhe e padrejtë.

“Deklarata është skandaloze, e padrejtë dhe e njëanshme. Çështja e Asociacionit është çështje e mbyllur. Asociacioni nuk mund të bëhet ashtu si po mendon BE-ja apo Beogradi me kompetenca ekzekutive, por ka bazë në kushtetutë si organizatë joqeveritare”, tha ai për Front Online.

Baraliu tha tutje se Lajçaku po e favorizon më shumë Serbinë dhe Kosovën, ndonëse sipas tij, BE-ja do të duhej t’i bënte presion Serbisë./Front Online/