Një person është gjetur i vdekur mëngjesin e sotëm në rrugën “Rrustë Kabashi” në Prizren.

Zëdhënësi i policisë për rajonin e Prizrenit, Vesel Gashi e ka konfirmuar lajmin për Front Online.

Gashi ka bërë të ditur se Policia dhe urgjenca menjëherë kanë dalë në vendin e ngjarjes, ku mjeku kujdestar ka konstatuar vdekjen e 74-vjearit.

“Rreth orës 09:00 kemi pranuar një informacion nga një qytetar se një personi i është përkeqësuar gjendja shëndetësore në rrugën “Rrustë Kabashi”. Menjëherë në vendin e ngjarjes ka dalë policia dhe urgjenca, ku këta të fundit kanë konstatuar se personi, mashkull i moshës 74-vjeç ka vdekur”, deklaroi Gashi.