Nga sot në Shërbimi Spitalor Klinik Universitar ka nisur rikthimi gradual i shërbimeve në ambulancat specialistike si dhe operimet që nuk janë emergjente dhe shërbime tjera selektive.

Kështu u tha në një konferencë për media nga ministri i Shëndetësisë, Armend Zemaj i cili tha se kthimi i këtyre shërbimeve i gëzon pa masë pacientët. Sipas tij, kjo masë është marrë duke pasuar parasysh situatën epidemiologjike në vend. Por që ai apeloi për shumë kujdes si nga ana e pacientëve ashtu edhe nga personeli shëndetësor.

Kurse, ushtruesi i detyrës së drejtorit të Shërbimit Spitalor Klinik Universitar, Valbon Krasniqi tha se pas shumë muajve sot kanë lajme të mira për të gjithë qytetarët që kanë nevojë për shërbime spitalore.

Ai tha se situata epidemiologjike ka mundësuar që nga sot të fillojë gradualisht ofrimi i shërbimeve në ambulancat specialistike. Ai tha se edhe drejtorët e spitaleve regjionale janë njoftuar që të bëjnë planin për të nisur edhe intervenimet kirurgjike.

https://www.facebook.com/FrontOnlineMedia/videos/2188705317939767/