Presidenti i SHBA-së, Joe Biden, dhe Zonja e Parë, Jill Biden, kanë njoftuar për ngordhjen e qenit të tyre “të dashur”, Champ, i cili kishte qenë me ta për 13 vjet.
“Familja jonë humbi shokun tonë të dashur Champ sot. Do të më marrë malli për të,” shkroi Biden në Twitter, transmeton BBC.
Champ ishte një nga dy qentë gjermanë që jetonin në Shtëpinë e Bardhë me familjen Biden.
Ai gjithashtu kishte jetuar me familjen e presidentit amerikan edhe kur ai ishte nënkryetar, në Uashington.
“Në momentet tona më të gëzueshme dhe në ditët tona më të pikëlluara, ai ishte atje me ne, i ndjeshëm ndaj çdo ndjenje dhe emocioni tonë të pashprehur”, thanë familja Biden në një deklaratë .