Gjykata Themelore në Prizren, gjatë vikendit, ka caktuar masën e paraburgimit në kohëzgjatje prej një muaji, ndaj dy të dyshuarve për dhunë në familje.
Lajmin për “Betimi për Drejtësi” e ka konfirmuar prokurori i Prokurorisë Themelore në Prizren, Petrit Kryeziu.
Sipas raportit të Policisë së Kosovës (PK), i arrestuari i parë dyshohet se nën ndikim të alkoolit kishte keqtrajtuar dhe kanosur bashkëshorten dhe djalin e tij.
Kurse i arrestuari i dytë, sipas PK-së, dyshohet se gjatë orëve të mëngjesit të së premtes ka shkaktuar dhunë në familje.
