×
  • Lajme
  • Lajme

    Nënsekretarja amerikane takohet me Vuçiqin, ia përmend Kosovën

    FrontOnline
    15 Maj 2024

    Nënsekretarja amerikane e Shtetit për Çështje dhe Diplomaci Publike, Liz Allen, u takua të mërkurën në Beograd me presidentin e Serbisë, Aleksandar Vuçiq, me të cilin bisedoi për një sërë çështjesh, përfshirë për Kosovën, njoftoi Departamenti amerikan i Shtetit (DASH)

    DASH tha se ata biseduan për “çështjet globale” dhe për përparimin e Serbisë drejt integrimit në Bashkim Evropian, përfshirë përmes Planit të Rritjes për Ballkanin Perëndimor.

    “Allen nënvizoi rëndësinë e përparimit të vazhdueshëm drejt normalizimit të marrëveshjeve me Kosovën përmes dialogut të ndërmjetësuar nga BE-ja”, thuhet në njoftim.

    Më 27 shkurt 2023 në Bruksel, Kosova dhe Serbia kishin arritur Marrëveshjen Bazë, ndërkaq më 18 mars në Ohër, u arrit pajtimi për Aneksin e zbatimit të marrëveshjes.

    BE-ja ka thënë se, megjithëse marrëveshjet janë ligjërisht të detyrueshme, palët nuk janë duke i zbatuar ato.

    Në lidhje me planin 6 miliardë eurosh që iu referua Allen, BE-ja ka thënë se për Kosovën dhe Serbinë, parakusht për të përfituar pagesa nga kjo paketë është angazhimi konstruktiv në normalizimin e marrëdhënieve fqinjësore.

    Presidenti serb Vuçiq, ndërkohë, gjatë takimit i ka kërkuar Allenit që SHBA-ja ta rrisë angazhimin në rajonin e Ballkanit Perëndimor.

    “Unë theksova presionet me të cilat përballet Serbia dhe serbët dhe kërkova nga SHBA që të rrisë angazhimin dhe ta përdorë ndikimin e saj për të ruajtur stabilitetin e rajonit dhe për të krijuar parakushte për bashkëpunim të sinqertë dhe përparim konkret”, shkroi Vuçiq në Instagram më 15 maj.

    SHBA-ja e ka mbështetur dialogun e ndërmjetësuar nga BE-ja mes Kosovës dhe Serbisë dhe u ka bërë thirrje palëve vazhdimisht t’i zbatojë marrëveshjet e arritura në të.

    Ndërkohë, sipas njoftimit, Allen e nënvizoi edhe rëndësinë e bashkëpunimit të vazhdueshëm “për ta luftuar kërcënimin ndaj stabilitetit evropian dhe rajonal, siç është agresioni i Rusisë kundër Ukrainës dhe përpjekjet e Kremlinit për të përhapur dezinformata”.

    Serbia, megjithëse kandidate për anëtarësim në BE, nuk e ka përshtatur politikën e vet të jashtme me atë të Brukselit, duke mos vendosur sanksione ndaj Rusisë pas pushtimit të Ukrainës fqinje në shkurt 2022./REL/

    Njoftimet nga KEDS, vendet që s’do të kenë rrymë nesër
    Nga Rubrika
    Lajme25 Maj 2024
    Dy persona janë arrestuar për rrëmbimin që kishte ndodhur në Prishtinë të enjten në mbrëmje. Sipas njoftimit, njëri është 18 vjeç me...
    Lajme25 Maj 2024
    Jens Stoltenberg u ka bërë thirrje aleatëve të NATO-s që furnizojnë Ukrainën me armë për t’i dhënë fund ndalimit të përdorimit të...
    Lajme25 Maj 2024
    Ish-zëvendësministri i Mbrojtjes, Burim Ramadani, fushatën e Serbisë kundër Kosovës për anëtarësimin për asocim në Asamblenë Parlamentare të NATO-s e sheh të...
    Të tjera
    Lajme25 Maj 2024
    Policia e Kosovës ka njoftuar se gjatë 24 orëve të fundit ka shqiptuar 2468 gjoba në trafik. Sipas policisë, gjatë kësaj periudhe...
    Lajme25 Maj 2024
    Qendra Kombëtare për Menaxhim Kufitar ka ftuar qytetarët të cilët planifikojnë të udhëtojnë përmes pikave kalimeve kufitare me Serbinë, që të shtunën...
    Lajme25 Maj 2024
    Blakaj: Institucionet s’kanë bërë mjaftueshëm për dokumentimin e krimeve të luftës, shumë prova janë zhdukur Institucionet e Kosovës po fajësohen se nuk...
    Lajme25 Maj 2024
    Moti sot parashihet të jetë i vranët dhe dhe me intervale me diell. Vranësirat gjatë ditës në disa vende parashihen të sjellin...
    Lajme25 Maj 2024
    Regjistrimi i popullsisë, Kastrati: Kemi kaluar shifrën prej 1.5 milion Dje në Kosovë ka përfunduar procesi i regjistrimit të popullsisë, ekonomive familjare...
    Lajme25 Maj 2024
    Presidentja e vendit, Vjosa Osmani, është takuar sot me zyrtarë të Qatar Development Fund ku u diskutua mbi mbështetjen e projekteve në...

    FrontOnline, © 2024 Të gjitha të drejtat e rezervuara.