×
  • Bota/Rajoni
  • Bota/Rajoni

    Në Tiranë mbahet Parada e Krenarisë

    FrontOnline
    25 Maj 2024

    Në Shqipëri u zhvillua për herë të dymbëdhjetë para e komunitetit LGBT+. Pjesëtarë të këtij komuniteti dhe aktivistë marshuan në Tiranë nga instilacioni Reja drejt Kryeministrisë dhe Presidencës.

    Motoja e kësaj Parade të Krenarisë ishte “Çdo ngjyrë, një familje”.

    Aktivistja Xheni Karaj tha se kjo javë është shoqëruar me gjuhë të urrejtjes nga këtij komuniteti dhe tha se Parada e Krenarisë ishte mundësi për të treguar se “nuk jemi kërcënim për askënd”.

    “Jemi cilësuar si kërcënim për familjen, ndërkohë që jemi pjesë e familjes së çdokujt. Ne nuk jemi kërcënim për familjen e askujt. Duam të përcjellim mesazhe uniteti dhe dashurie për njerëzit, që të kuptojnë që, në fund të fundit, jemi si gjithë tjerët dhe jemi pjesë e familjes”, tha ajo gjatë Paradës së Krenarisë.

    Marshimi në Tiranë.
    Marshimi në Tiranë.

    Më 17 maj, në Ditën kundër homofobisë, në tarracën e bashkisë së Tiranës u zhvillua një ceremoni martese simbolike, ku një pastor britanik lidhi në martesë dy gra të komunitetit LGBT+. Edlira Mara dhe Alba Ahmetaj janë prej 14 vjetësh në lidhje së bashku. Ato kanë dy vajza dhe prej vitesh po përpiqen të regjistrojnë familjen e tyre me dy nëna.

    Kodi i Familjes në Shqipëri nuk lejon martesën mes personave të së njëjtës gjini, megjithatë dy gratë dorëzuan në zyrat e gjendjes civile një kërkesë për shpallje martese. Ato thanë se e bazuan kërkesën në nenin 53 të Kushtetutës së Shqipërisë, ku theksohet se “kushdo ka të drejtë të martohet dhe të ketë familje”.

    Ceremonia e martesës së tyre, edhe pse simbolike dhe pa vlerë ligjore, shkaktoi debate të shumta, por edhe protesta. Të premten, më 24 maj, qytetarë, aktivistë dhe përfaqësues të komuniteteve fetare protestuan në sheshin “Skënderbej” në Tiranë dhe marshuan drejt Kryeministrisë, duke kundërshtuar martesat e së njëjtës gjini, që i cilësuan “shkatërrim të familjes”.

    Gjithashtu këtë javë qytetarë të shumtë kanë firmosur peticionin “manifesti i jetës”, hartuar nga përfaqësues të organizatave në mbrojtje të familjes, përfaqësues të komuniteteve fetare dhe aktivistë të shoqërisë civile. Ky peticion kundërshton nismën më të re të Qeverisë shqiptare për ndryshime në Ligjin për Shëndetin seksual dhe riprodhues që lejon surrogacinë. Organizatorët e protestës të së premtes dhe nismëtarët e peticionit thanë se pas mbledhjes së nënshkrimve do ta dorëzojnë peticionin në Kuvend dhe do të kërkojnë të mos votohen ndryshimet në ligj.

    Protesta në Tiranë më 24 maj.
    Protesta në Tiranë më 24 maj.

    Referuar debateve që shkaktoi në opinionin publik në Shqipëri dasma simbolike mes dy grave, Xheni Karaj gjatë Paradës së Krenarisë, tha se debatet me gjuhë urrejtje nuk e ndihmojnë shoqërinë.

    Pjesëtarët e komunitetit LGBT dhe aktivistë që morën pjesë në paradë kërkuan që ky komunitet të respektohet dhe të mos paragjykohet apo kërcënohet.

    Gjatë paradës, aktivistët mbanin në duar banderola ku shkruhej “Çdo ngjyrë, një familje” dhe flamurin shumëngjyrësh që përfaqësojnë këtë komunitet. Marshimit iu bashkuan edhe ambasadori i Bashkimit Evropian në Tiranë, Silvio Gonzato, dhe ai i Mbretërisë së Bashkuar, Alastair King Smith.

    Gjatë kësaj jave në Shqipëri janë mbajtur disa aktivitete në kuadër të ditëve kundër homofobisë. Një ndër to ishte Festivali i 15-të i Diversitetit për të drejtat e LGBT+ duke mbështetur barazinë, respektin, dhe diversitetin e qenies njerëzore. Gjithashtu janë vlerësuar 30 persona dhe institucione apo organizata që kanë mbështetur publikisht prestarët e këtij komuniteti. REL

    Avokati i Popullit Naim Qelaj dhe përfaqësueset e UN Women Kosovo vizitë në KEDS
    Nga Rubrika
    Bota/Rajoni15 Qershor 2024
    Për fundjavën që presim Shqipëria do të ndikohet nga kushte të qëndrueshme atmosferike kjo dhe për shkak të depërtimit të masave ajrore...
    Bota/Rajoni14 Qershor 2024
    Një 33-vjeçar u arrestua pasi theri me thikë një 12-vjeçare në qendrën tregtare Valkea të Finlandës të enjten në mbrëmje. Transmetuesi publik...
    Bota/Rajoni14 Qershor 2024
    Pas një samiti dy-ditor të sigurisë në Bruksel, Sekretari i Përgjithshëm i NATO-s, Jens Stoltenberg dha një paralajmërim të ashpër në lidhje...
    Të tjera
    Lajme15 Qershor 2024
    Policia e Kosovës, pas informacioneve të pranuara nga Agjencia e Kosovës për Inteligjencë, ka gjetur dhe sekuestruar dje një sasi armatimi në...
    Lajme15 Qershor 2024
    Kuvendi i Komunës sot do të mbajë një seancë solemne. Kjo për rastin e ditës se çlirimit të Gjilanit. Seanca nis ora...
    Lajme15 Qershor 2024
    Nesër për besimtarët mysliman shënohet festa e Kurban Bajramit. Myftiu i Kosovës, Naim Tërnava sot do t’i drejtohet opinionit publik për një...
    Lifestyle15 Qershor 2024
    Sara Milliken u shpall Miss Alabama në vitin 2024 dhe këtë vit kjo 23-vjeçare do të garojë me përfaqësuese të shteteve të...
    Bota/Rajoni14 Qershor 2024
    Një 33-vjeçar u arrestua pasi theri me thikë një 12-vjeçare në qendrën tregtare Valkea të Finlandës të enjten në mbrëmje. Transmetuesi publik...
    Sport14 Qershor 2024
    Një nga vendimet e VAR-it në ndeshjen hapëse të Kampionatit Evropian mes Gjermanisë dhe Skocisë u shfaq në një ekran gjigant në...

    FrontOnline, © 2024 Të gjitha të drejtat e rezervuara.