Më 6 gusht, ministrja e Punëve të Jashtme, Meliza Haradinaj – Stublla, ka njoftuar se homologu i saj në Itali, Luigi Di Maio, konfirmoi se do të dërgojë një ekip ushtarak-mjekësor nga Italia në ndihmë Kosovës në luftën anti-COVID-19.

Ndërkohë, ministri i Shëndetësisë, Armend Zemaj tha se janë katër mjekë që do të vijnë nga Italia për ta ndihmuar Kosovën për dy muaj.

Mirëpo, ende nuk është caktuar ndonjë datë e saktë se kur do të udhëtojnë drejt Kosovës.

IndeksOnline ka kontaktuar me Ministrinë e Shnëdetësisë, të cilët kanë thënë se janë në pritje të tyre.

“Po presim kur të jenë gati të arrijnë, varet prej tyre”, kanë thënë nga MSH.

Ndryshe, ditë ma parë 12 infermierë ë trajnuar nga Forca E sigurisë së Kosovës kanë arritur në QKUK, që të ofrojnë ndihmën e nevojshme për pacientët e prekur me virusin COVID-19.

Ata do të qëndrojnë 30 ditë në Klinikën Infektive.