Në kuadër të Muajit të Rinisë, ministrja e Kulturës, Rinisë dhe Sportit, Vlora Dumoshi ka takuar një grup të rinjsh nga komunitete të ndryshme që jetojnë në Kosovës. Derisa u ofroi përkrahje, Dumoshi njoftoi se këtë vit 400 të rinj të Kosovës do certifikohen si ndërmarrës të rinj.
Ministrja Dumoshi tha se me gjithë buxhetin që kanë do i përkrahin të gjitha aktivitetet e rinisë.
“Ne jemi në fazën përfundimtare të projektligjit për rinin dhe të gjitha ato zëra të cilat ju i keni ngritur ne jemi kah i fusim në ligj. E para ka qenë njëfarë pengese mosha, tash e kemi moshës prej 15 vjeçe deri ë 29 vjeç, pastaj edhe kjo komponenta që është vullnetarizmi i cili do përkthehet në përvojë pune…Është një punë në përfundim e ndërmarrësisë e cila p bëhet në të gjitha pjesët e Kosovës dhe po marrin pjesë numër i madh i të rinjve. Ne e kemi paraparë që diku 400 të rinj me i certifikua si ndërmarrës të rinj. Pastaj me planin e tyre do vije dhe do e fitoj grantin për të filluar një biznes kjo rrjedhimisht reflekton në zhvillimin ekonomik” , tha ai.
Kurse, Egzona Shala nga organizata rinore ECOZ, tha se qëllimi i këtij takimi ka qenë për të krijuar një lloj komunikimi të ndërsjellët me ministrinë.
Derisa e ka falënderuar ministren Dumoshi për përkrahjen për rininë e Kosovës, Shala tha se duhet motivuar rinin për të pasur një shoqëri të shëndosh.
“Vullneti ka qenë që me ardhur dhe me krijua një lloj komunikimi të ndërsjellët me ministrinë në përgjithësi edhe pse çdo herë të rinjtë kanë qenë të favorizuar nëpër aktivitete të përkrahura prej ministrisë. Kësaj here kanë qenë përfshirja edhe e komuniteteve, është vërejtur një angazhim më i madh i ministrisë sidomos me rastin që ka bërë promovimin e punës shumë të mirë të juaj të përkrahjes së Ranillukës të komunitetit serb po ashtu dhe përkrahje të tjera”, tha ajo.
Pas këtij takimi ministrja e Kulturës, Vlora Dumoshi e shoqëruar nga këta të rinj vazhdoi për vizitë në Muzeun e Kosovës, aktivitet i cili u realizua në kuadër të Muajit të Trashëgimisë Kulturore.
Me këtë rast, ministrja e Kulturës, Rinisë dhe Sportit, Vlora Dumoshi tha se Muzeu i Kosovës përmban historinë dhe jetesën e lashtë të popullit në Kosovës.
“Ky është një rast i mirë që ju të njoftuar me trashëgiminë tonë kombëtare të Kosovës. Vetë ndërtesa e ka një domethënie, një trashëgimi të madhe….Është një objekt i vjetër i cili është ruajtur, këtu i keni eksponatet të cilat janë gjetur është shumë interesante për ata që ballafaqohen për herë të parë kjo do thotë që nëntoka e Kosovës është shumë e pasur prej kohës së Neolitit edhe më herët daton dhe këto eksponatet do i shini që i kanë gjetur arkeologët tanë“, tha Dumoshi.
Ndërsa, drejtori i Muzeut të Kosovës, Ajet Leci tha se për shkak të pandemisë ka rënie të vizitorëve, por që ata që vijnë mund të shohin artefakte të periudhave të ndryshme nëpër të cilat ka kaluar Kosova.
“Duke e ditur që jemi në pandemi edhe vizitat I kemi më të reduktuara por kemi pasur aktivitete të ndryshme në krahasim me vitet paraprake. Këtu jemi në ekspozitën e arkeologjisë nga parahistoria deri në luftën e fundit. Iu kemi mundësi me pa artefakte të ndryshme në periudha të ndryshme dhe në vende të ndryshme të Kosovës, u shpreh Leci./KsP.
