×
  • Lajme
  • Lajme

    Në kërkim të varrit…

    FrontOnline
    19 Nëntor 2021

    Kumrije Jahmurataj për herë të fundit e ka parë bashkëshortin e saj më 1 prill të vitit 1999, në fshatin Lubeniq, komuna e Pejës.

    Prej asaj dite, festat dhe datëlindjet nuk kanë pasur kuptim për të dhe dy djemtë e saj, tashmë 29 dhe 32 vjeç.

    “Pas përfundimit të luftës kam pritur shumë që do të kthehet i gjallë, sepse unë nuk e kam parë të vrarë. Ata ditë kemi qenë bashkë. Në fshat kishin hyrë forcat serbe, i ndanë burrat nga gratë. Dhe, më nuk e pashë – as gjallë e as të vrarë”, thotë ajo.

    Pas 22 vjetësh, Kumrija thotë se “më i mirë ish varri sesa mos me ditë”.

    “Është më lehtë të ketë një varr, sepse kur ka ndonjë festë, ndonjë mërzi, gëzim, shkon te varri dhe duket se bisedon me të. E di se aty gjenden eshtrat e tij”, thotë ajo.

    “Më i mirë ish varri sesa mos me ditë” quhet edhe ekspozita e hapur më 18 nëntor në Pallatin e Rinisë dhe të Sporteve në Prishtinë, nën organizimin e Fondit për të Drejtën Humanitare në Kosovë. Emri i saj është fragment i marrë nga një bisedë e mëhershme me Kumrije Jahmuratajn.

    Ekspozita në kujtim të 1,622 personave të zhdukur me forcë gjatë luftës së fundit në Kosovë 1998-2000 u dedikohet familjarëve të personave të pagjetur.

    Në 1,622 fleta të bardha, me shkronja të zeza paraqiten të dhënat e të pagjeturve, si: emri, data dhe vendi i lindjes, data dhe vendi i zhdukjes.

    Në këto fletë ishin të dhënat edhe për pesë anëtarët e familjes së ngushtë të Bekim Gashit, nga fshati Tërnje, komuna e Suharekës.

    “Largohu nga shtëpia”, ishin fjalët e fundit të nënës së Bekimit, pasi forcat serbe kishin hyrë në fshatin dhe shtëpinë e tij.

    “Çdo moment më kujtohen fjalët e fundit të tyre. Kanë insistuar shumë që unë mos të qëndroj në shtëpi. Mungesa është aq e madhe, aq e papërshkruar… Derisa t’i gjejmë trupat e tyre, çdo ditë zgjohem me kujtimin e tyre”, thotë ai.

    “Unë jetoj me to. Sidomos përvjetorët, festat, datëlindjet e tyre janë më të rënda për ne… Jam rritur me këshillat e nënës dhe motrave të mëdha, pasi babai më ka vdekur kur i kam pasur 13 vjet”, shton Gashi.

    Dardan Hoti, koordinator i ekspozitës dhe hulumtues në Fondin për të Drejtën Humanitare të Kosovës, thotë se familjarët janë lodhur prej mungesës së informacioneve, janë lodhur duke pritur qe 22 vjet.

    “Tashmë presin një informacion, nëse jo të gjallë, atëherë një varr, për të pasur ku të shkojnë dhe të dërgojnë një lule”, thotë Hoti. /rel/

    Blini derivate me çmim të lirë dhe hyni në garë për të fituar banesë, iphone 13 e 19 shpërblime tjera
    Nga Rubrika
    Lajme21 Tetor 2024
    Hisen Berisha, deputet i Kuvendit të Kosovës nga radhët e Partisë Demokratike të Kosovës, tha se vizita e O’Brien-it në Kosovë ka...
    Lajme21 Tetor 2024
    Ndihmës Sekretari Amerikan i Shtetit për Evropën dhe Euroazinë, James O’Brien, ka thënë se Kosova dhe Serbia duhet të zbatojnë zotimet e...
    Lajme21 Tetor 2024
    Për të martën parashikohet të mbajë mot kryesisht me diell gjatë ditës, ndërsa në orët e mëngjesit pritet lokalisht të ketë mjegull...
    Të tjera
    Vip21 Tetor 2024
    Vullneti është shprehur me ironi se nuk dëshiron të merret me fansa të këngëtarit Gold AG, derisa ka thelluar edhe më tej...
    Vip21 Tetor 2024
    Gazetari Vullnet Krasniqi ka dhënë komente lidhur me përplasjen që pati me aktorin Rrezart Veleshnja. Krasniqi tha se për të, Rrezi nuk...
    Vip21 Tetor 2024
    Burimi nuk ka pranuar të viktimizohet sonte me rastin e një momenti kur Rezarti e imitonte në një situatë ndërsa ai vepron....
    Vip21 Tetor 2024
    Në Prime të Big Brother Vip Kosova po vazhdon të diskutohet lidhur me debatin mes aktorit Rrezart Veleshnja dhe Gresës. Kësaj radhe,...
    Vip21 Tetor 2024
    Në debatin Rezi-Gresa, është përfshirë edhe banorja tjetër, Xheneta e cila poashtu ka pasur debat me Gresën Xheneta thotë se nuk ia...
    Vip21 Tetor 2024
    Po vazhdon debati brenda shtëpisë së Big Brother mes dy konkurrentëve, Vullnetit dhe Rrezart Veleshnjës. Sipas gazetarit Krasniqi, Rrezi po shkon në...

    FrontOnline, © 2024 Të gjitha të drejtat e rezervuara.