Aktori amerikan, Richard Lewis, ka ndërruar jetë mbrëmjen e së martës, në shtëpinë e tij në Los Angeles. Humoristi ishte 76 vjeç dhe shkaku i vdekjes së tij ishte një atak në zemër.

Prillin e kaluar, Richard Lewis njoftoi se ishte diagnostikuar me sëmundjen e Parkinsonit dhe ishte tërhequr nga ‘stend-up komeditë’. Por së fundmi, ai u shfaq në sezonin e 12-të të ‘Curb Your Enthusiasm’, që po transmetohet aktualisht në HBO. Siç vë në dukje Variety, në vitin 2021 aktori njoftoi se nuk do të shfaqej në sezonin e 11-të të “Curb” për t’u rikuperuar nga tre operacione. Megjithatë, ai i befasoi shikuesit duke u rikthyer në set për një episod të sezonit të 11-të, duke thënë: “Kur hyra brenda dhe ata duartrokitën, u ndjeva si një milion dollarë. Larry, të cilit nuk i pëlqejnë përqafimet, më përqafoi dhe më tha sa i lumtur ishte pasi xhiruam skenën tone”./FrontOnline/