Shërbimi Korrektues i Kosovës ka njoftuar, se si masë parandaluese së përhapjes së Coronavirusit nuk do të lejojë vizitat tek të burgosurit.
Në njoftim thuhet se të burgourve do të ju lejohet komunikim më I shpeshtë përmes telefonit dhe platformës SKYPE, me familjarë.
Përjashtim në lejim të vizita bëjnë Avokati i popullit dhe avokatët.

Njoftimi I plotë:

Shërbimi Korrektues i Kosovës, njofton opinionin publik se duke pas për bazë numrin në rritje të rasteve me COVID 19 në shtetin tonë, me qëllim të parandalimit të përhapjes së pandemisë dhe mbrojtjes së shëndetit të burgosurve dhe stafit në institucionet korrektuese, Shërbimi Korrektues i Kosovës është detyruar që të ndërmarrë veprime të nevojshme, me ç` rast ka nxjerrë Urdhër Operativ për ndalimin e përkohshëm të vizitave familjare, vizitave të organizatave joqeveritare dhe vikendeve për të burgosur.
Kjo ndalesë fillon së zbatuari nga data 21.10.2020, e deri në një vendim tjetër.

Si alternativë në të gjitha institucionet korrektuese do mundësohen telefonatat me të shpeshta dhe sistemi i komunikimit virtual përmes SKYPE sipas procedurave institucionale. Po ashtu, për shkak të ndalimi te përkohshëm të vizitave, pastrimi i rrobave për të burgosur do të organizohet në Institucione.
Nga ky vendim përjashtohen Institucioni i Avokatit të Popullit dhe mbrojtësit rasteve të gjykimit, të cilat janë në zhvillim.

Shërbimi Korrektues i Kosovës do të vazhdojë bashkërendimin institucional me institucionet relevante të Republikës së Kosovës dhe do të mbajë të informuar opinionin e gjerë rreth hapave në vazhdim.