Zëdhënësi i LDK-së, deputeti Besian Mustafa, ka folur lidhur me zgjedhjet e 9 shkurtit dhe koalicionet e mundshme. 

Mustafa është shprehur se LDK-ja do të jetë në qeverinë e ardhshme vetëm nëse kreu i kësaj partie, Lumir Abdixhiku, është kryeministër.

“Lidhja Demokratike e Kosovës do të jetë në qeverinë e ardhshme vetëm nëse Abdixhiku, pra kryetari i LDK-së do të jetë dhe udhëheqës, pra kryeministër i asaj qeverie”, është shprehur Mustafa.

Është deklaruar edhe për seancat e jashtëzakonshme në Kuvendin e Kosovës.

“Nëse mazhoranca ka vendosur që t’i ikë përgjegjësisë së saj kushtetuese, demokratike, politike të përfaqësimit të qytetarëve në parlamentin e Kosovës, do të vazhdojmë duke thirrur seanca të jashtëzakonshme, për të debatuar ose diskutuar tema të caktuara”, ka thënë tutje Mustafa në “DPT te Fidani”.