×
  • Lajme
  • Lajme

    Mungon avokati i të akuzuarit, shtyhet gjykimi për krime lufte ndaj popullatës civile në Kosovë

    FrontOnline
    30 Shtator 2020

    Të mërkurën, në Gjykatën Themelore në Prishtinë, ka dështuar të mbahet gjykimi ndaj të akuzuarit për krime lufte ndaj popullatës civile në Kosovë, Goran Stanishiq, si pasojë e mungesës së mbrojtësit të tij, avokatit Lubomir Pantoviq.

    Kryetarit i trupit gjykues në këtë rast, gjykatësi Valon Kurtaj ka bërë të ditur që gjykata është munduar ta kontaktojë avokatin Pantoviq përmes telefonit, mirëpo i njëjti nuk është përgjigjur.

    Gjykatësi Kurtaj ka njoftuar se mbrojtësi i të akuzuarit është ftuar në mënyrë të rregullt, por se gjykata nuk ka ndonjë dëshmi nëse i njëjti e ka pranuar ftesën.

    Për seancat e radhës, të cilat u caktuan të mbahen më 12 dhe 13 tetor 2020, duke filluar nga ora 9:30, kryetari i trupit gjykues tha se do të mundohen në të gjitha mënyrat që të kontaktojnë mbrojtësin e të akuzuarit Stanishiq, me qëllim që i njëjti të jetë prezent në shqyrtimin gjyqësor.

    Ndryshe, në këtë seancë të pranishëm ishin prokurorja speciale Drita Hajdari, i akuzuari Goran Stanishiq dhe dëshmitarët të cilët ishin paraparë të dëgjohen në këtë shqyrtim gjyqësor, raporton “Betimi për Drejtësi”.

    Sipas aktakuzës së ngritur nga Prokuroria Speciale e Republikës së Kosovës, i akuzuari Goran Stanishiq, si pjesëtar i forcës policore rezervë të Ministrisë së Punëve të Brendshme të Serbisë, në muajin prill të vitit 1999, gjatë luftës në Kosovë, në kundërshtim me rregullat e të drejtës ndërkombëtare humanitare, gjatë një sulmi të gjerë dhe sistematik të forcave ushtarake paramilitare dhe policore serbe kundër popullatës civile shqiptare, në fshatrat Sllovi dhe Tërbovc, në bashkëveprim me pjesëtarë të tjerë të këtij njësiti, kishte marrë pjesë në dëbimin e popullatës civile shqiptare dhe në kryerjen e vrasjeve dhe veprimeve të tjera të kundërligjshme.

    Siç thuhet në aktakuzë, më 15 prill 1999, në fshatin Sllovi të Komunës së Lipjanit, i pandehuri në bashkëveprim me pjesëtarë të tjerë të njësitit, kishin shkuar në oborrin e shtëpisë së familjes G, kanë urdhëruar anëtarët e kësaj familje të dalin nga shtëpia, dhe pasi që ata kishin dal, i kishin ndarë meshkujt nga gratë, i kishin detyruar gratë dhe fëmijët të dalin nga oborri në rrugë, ku më pas, në prezencë të dëshmitarëve Z.G dhe vajzës së saj Xh.H, që ende nuk kishin dal nga oborri, i kishin rreshtuar pranë murit të oborrit të shtëpisë M.G, dy djemtë e tij O.G dhe E.G, dhe dy nipat e tij, A.G dhe B.H, e pastaj kanë shtënë në drejtim të tyre me armë automatike, dhe që të gjithë i kishin vrarë në vend, e pastaj e kishin detyruar Z.G dhe X.H që të largoheshin nga oborri.

    Tutje, në aktakuzë thuhet se të njëjtën ditë dhe në të njëjtin fshat, në bashkëveprim me pjesëtarë të tjerë të njësitit, me automjet kishin shkuar në oborrin e shtëpisë së familjes B. Pasi kishin dal nga vetura, kishin shtënë me armë automatike në drejtim të F.G, B.B, F.B dhe R.B, të cilët kishin qenë në oborr afër bunarit, dhe e kishin vrarë F.B duke e qëlluar në shpinë, ndërsa F.G, B.B dhe R.B kishin shpëtuar duke ikur me vrap në drejtime të ndryshme nga vendi i ngjarjes.

    Gjithnjë sipas aktakuzës, të njëjtën ditë dhe në të njëjtin fshat, në afërsi të shkollës së vjetër të fshatit, kishin ndarë nga kolona e popullatës civile shqiptare që i kishin detyruar të braktisin fshatin, J.K, B.G, V.P, R.K, A.I dhe F.B, dhe pasi që i kishin rreshtuar përball një muri, kishin shtënë në drejtim të tyre me armë automatike, duke i vrarë të gjithë në vend.

    Më 16 prill 1999, në fshatin Tërbovc të Komunës së Lipjanit, në vendin e quajtur “Lugu i Lakrave”, i pandehuri së bashku me katër persona të tjerë të uniformuar dhe të armatosur kishin ndaluar të dëmtuarën A.I së bashku me tani të ndjerën Z.G, të cilat kishin qenë duke shkuar nëpër mal për t’iu bashkangjitur bashkëfshatarëve dhe familjeve të tyre.

    Siç thuhet në aktakuzë, e dëmtuara A.I kishte nxjerrë një pako të cigareve me kërkesë të të pandehurit, dhe duke ua dhënë ai cigaret personave të tjerë, ajo kishte shfrytëzuar rastin dhe kishte filluar që të vraponte për të ikur, ndërsa i pandehuri me persona të tjerë të armatosur kishin shtënë në drejtim të saj që ta vrasin, ku e kishin goditur në pjesën e kofshës së djathtë, për çka ajo ishte rrëzuar, dhe ishte rrokullisur deri tek përroi, ku në mbrëmje e kishin gjetur fshatarët, dhe pasi që ajo ua kishte treguar vendin se ku ishte ndarë me të ndjerën Z.G, fshatarët kishin shkuar aty dhe të njëjtën e kishin gjetur të vrarë.

    Për këtë, prokuroria e ngarkon të akuzuarin se në bashkëveprim me pjesëtarë të tjerë të panjohur të njësitit rezervist të policisë serbe dhe persona të tjerë të armatosur, ka kryer veprën penale “krimet e luftës kundër popullsisë civile” nga neni 142, lidhur me nenin 22 të Ligjit Penal të Republikës Socialiste Federative të ish-Jugosllavisë, aktualisht e penalizuar si Krimet e Luftës në shkelje të rëndë të nenit 3 të Konventës së Gjenevës nga neni 146, paragrafi 1, dhe neni 2, nën paragrafi 2.1, lidhur me nenin 31 të Kodit Penal të Republikës së Kosovës.

    Nga Rubrika
    Lajme14 Maj 2025
    Nasim Haradinaj, ish-nënkryetar i OVL-UÇK’së, ka folur rreth vizitës së kryetares së Dhomave të Specializuara të Kosovës, Ekatarina Trendafilova, dhe protestës së...
    Lajme14 Maj 2025
    Deputetja e sapozgjedhur e LDK-së, Serbeze Kabashi-Muçaj, ka bërë thirrje për reflektim nga subjektet politike dhe për bashkëpunim për të zhbllokuar Kuvendin...
    Lajme14 Maj 2025
    Zyra e Bashkimit Europian në Kosovë ka ndarë pamje të takimit që Presidenti i Këshillit të Bashkimit Evropian, Antonio Costa, zhvilloi sonte...
    Të tjera
    Lajme14 Maj 2025
    Ndonjëherë ëndrrat bëhen realitet, dhe kësaj here, kompania numër një për turizëm, Sharr Travel, sjell një ofertë të papërsëritshme vetëm për ju!...
    Lajme14 Maj 2025
    Presidentja e vendit, Vjosa Osmani pas takimit dhe konferencës për media që pati me Presidentin e Këshillit Evropian, Antonio Costa, dekalron se...
    Vip14 Maj 2025
    Rikthehet “Goca dhe Gra”, dy ish-banoret e “BBVA4” moderatore këtë sezonProgrami “Goca dhe Gra” starton në prime time në orën 21:00 çdo...
    Lajme14 Maj 2025
    Në selinë e misionit të KFOR-it të udhëhequr nga NATO, në Camp Film City në Prishtinë, është mbajtur ceremonia e ngritjes së...
    Bota/Rajoni14 Maj 2025
    Kreu i Nismës Socialdemokrate, Fatmir Limaj e ka uruar kryeministrin Edi Rama dhe Partinë Socialiste për fitoren në zgjedhjet parlamentare në Shqipëri....
    Lajme14 Maj 2025
    Presidentja Vjosa Osmani ka folur për takimin që ka thirrur të mbahet nesër me liderët e partive politike për të gjetur një...
    -->

    FrontOnline, © 2025 Të gjitha të drejtat e rezervuara.