×
  • Lajme
  • Lajme

    Më shumë se 3 vjet në paraburgim/ Avokatët për ish-krerët e UÇK-së: Procesi jotransparent, gjykimi mund të zgjasë me vjet

    Aulona Konjuhi
    03 Prill 2024

    Sot janë bërë një vit që kur ka filluar procesi i gjykimit ndaj ish-krerëve të UCK-së, Hashim Thaçit, Kadri Veselit, Rexhep Selimit e Jakup Krasniqit.

    Krerët e UCK-së gjatë një viti gjykimi vazhduan të qëndrojnë në paraburgim.

    Pritja për fillimin e këtij procesi zgjati gati tre vite.

    Me fillim e gjykimit për Thaçin, Veselin, Selimin e Krasniqin u mbajtën tri protesta në kërkim të drejtësisë.

    Njëra në Amerikë tjetra në Prishtinë dhe në Hagë.

    Qerkini: S’ka transparencë në gjykimin e ish-krerëve në Hagë, kohëzgjatja e paraburgimit është shqetësuese

    Me mbarëvajtjen e gjykimit të ish-krerëve të UÇK-së, nuk janë shprehur të kënaqur avokatët e akredituar të Speciales.

    Avokati Artan Qerkini thotë për Front Online se s’ka transparencë në proces.

    Ai deklaroi se gjykimi po vonohet si shkak i numrit të madh të dëshmitarëve.

    “Procesi është i ngadaltë për shkak të numrit të lartë të dëshmitarëve jo për dinamikën e gjykimit. Procesi po vazhdon të jetë jo transparent, nëse shumica e seancave gjyqësore janë seanca private ku publiku nuk ka qasje nuk mund t’ia krijojë një përshtypje se çfarë po ndodh me procesin dhe çfarë dëshmi po japin dëshmitarët”, u shpreh Qerkini.

    Me kohëzgjatjen e paraburgimit nuk po pajtohet avokati Qerkini.

    Sipas tij, masa ndaj ish-krerëve të UCK-së është dashur të zbutet.

    “Kohëzgjatja e paraburgimit është shqetësuese më shumë se tre vite të pandehurit janë në paraburgim masa nuk është zbutur edhe pse standardet ndërkombëtarë kërkojnë që me kalimin e kohës masa të zbutët deri në një vendim final të gjykatës”, deklaroi Qerkini.

    Nuk dihet se sa mund të zgjatë procesi në Hagë, thotë avokati i akredituar nga Specialja.

    “Është vështirë të prognozohet se sa mund të zgjasë ky proces, nuk dihet mbrojtja sa dëshmitarë do t’i ftojë pasi prokuroria ta përfundojë rastin e tij”, theksoi Qerkini.

    Avokatja Gashi: Marrja në pyetje e dëshmitarëve në Hagë po vonon, gjykimi do zgjasë shumë

    Fehmije Gashi, avokatja tjetër e akredituar nga Specialja ka treguar arsyen për vonimin e procesit të gjykimit ndaj ish-krerëve të UCK-së në Hagë.

    Ajo në një-vjetorin e fillimit të procesit ka folur për Front Online lidhur me këtë çështje.

    Gashi deklaron se gjykimi do të zgjasë shumë.

    Ajo thotë se marrja në pyetje e dëshmitarëve po vonon shumë.

    “Në bazë të dëshmitarëve të cilët i ka propozuar prokuroria të cilët janë duke shkuar shumë ngadalë marrja në pyetje e tyre dukët se do të zgjasë shumë. Përveç dëshmitarëve të prokurorisë edhe mbrojtja në këtë rast të pandehurve në Gjykatë Speciale do të ofrojnë shumë dëshmitarë dhe prova për të provuar pafajësinë e tyre. Nuk e di sa mund të jetë periudha kohore por mendoj që do zgjatë shumë gjykimi. Kodi i procedurës penale ndër parimet themelore e ka që kur janë personat paraburgim të zhvillohet një gjykim i drejtë dhe kohë të arsyeshme”, tregon Gashi.

    Gashi ka treguar se si po e sheh procesin e deritanishëm të gjykimit në Hagë.

    “Gjykata po e konsideron që po e kryen punën e saj. Prokuroria dhe avokatët, mbrojta dhe të pandehurit janë palë të barabarta përpara trupit gjykues varësisht nga provat e ofruara merret edhe vendimi. Gjatë marrjes në pyetje të disa të dërguarve të nivelit evropian-botërorë ata edhe pse kanë qenë dëshmitarë të prokurorisë kanë qenë me deklarimet e tyre objektive dhe në favor të pandehurit në rast”, përfundon Gashi.

    Në procesin gjyqësor që po zhvillohet në Hagë, deri më tash janë dëgjuar 54 dëshmitarë.

    Thaçi, Veseli, Krasniqi dhe Selimi ndodhen në paraburgim në Hagë prej nëntorit të vitit 2020, pasi akuzohen për krime lufte dhe krime kundër njerëzimit.

    Ata janë deklaruar të pafajshëm për akuzat që rëndojnë mbi ta.

     

    Black Friday në NimiTV | 13 muaj abonim për vetëm 6€ muaji
    Nga Rubrika
    Lajme13 Prill 2024
    Kryeministri i Kosovës, Albin Kurti, e ka pritur sot në takim Ambasadorin e Mbretërisë së Bashkuar, Jonathan Hargreaves. Nga Zyra e Kryeministrit...
    Lajme13 Prill 2024
    Grupi për Siguri dhe Barazi Gjinore (SGG) e dënon vrasjen e 21 vjeçares Erona Cokli dhe plagosjen e vëllait të saj 15-vjeçar...
    Lajme13 Prill 2024
    Mati 1 dhe Taslixhja kanë mbetur pa ujë sot për shkak të një problemi teknik në gypin e çelikut që vjen nga...
    Të tjera
    Lajme13 Prill 2024
    I është dhënë lamtumira e fundit, 21 vjeçarjes  që u vra dje nga ish bashkëshorti brenda Qendrës për Punë Sociale në Ferizaj....
    Lajme13 Prill 2024
    Lista Serbe ka reaguar pas arrestimit të kryesit të veprave penale “Prishja e rendit kushtetues të Kosovës”, serbit, Sreçko Sofronijeviq. Përmes një...
    Lajme13 Prill 2024
    Për kujtim të 21-vjeçares që u vra të premten, sonte nga ora 20:00, do të ndizen qirinjë. Kjo do të bëhet para...
    Sport13 Prill 2024
    Gjilani ka fituar si mysafir i Prishtinës me rezultat 3-1 në kuadër të javës së 29-të të Superligës së Kosovës. Pjesa e...
    Lajme13 Prill 2024
    Kryeministri i Kosovës, Albin Kurti së bashku me Vasfije Krasniqin, kanë qëndruar në Studenicë të Istogut për t’iu bashkuar familjarëve të viktimave...
    Lajme13 Prill 2024
    Qytetarët e Kosovës dhe ata të Shqipërisë do të kalojnë përmes pikës kufitare të Vërmicës me procedura të shpejtuara përgjatë 9 muajve...

    FrontOnline, © 2024 Të gjitha të drejtat e rezervuara.