×
  • Ekonomi
  • Ekonomi

    Me dinarë e euro, me rrymë ende falas

    FrontOnline
    04 Shkurt 2024

    Në veri të Kosovës, qytetarët nuk e kanë problem të paguajnë me euro. Në fakt, atje thonë se kanë kursime në valutën e dinarit dhe pagat nga Serbia i marrin gjithashtu në këtë valutë. Sidoqoftë, kanë filluar të vendosin çmimet edhe në euro. Ndërkohë, në këtë zonë edhe më tej nuk ka filluar faturimi për energjinë e shpenzuar. Afati i fundit për vendosen e njehsorëve është muaji gusht.

    Bankomatët e bankës komerciale janë të mbyllur më 1 shkurt në Kosovë. Por në veri të Mitrovicës, ende është në funksion një bankë tjetër… Të dielën, qytetarë të Kosovës të komunitetit serb, vazhdonin të tërhiqnin para.

    Valuta është në dinarë. Në bizneset e vogla në sheshin e Mitrovicës së Veriut, ende paguhet me dinarë. Në një nga kioskat, gjatë ditës, dinari përdorej për pagesë dhe kusur.

    Në kafenetë në shesh të Mitrovicës së veriut, gjithashtu paguhet me dinarë.

    Megjithatë, në një nga kafenetë e këtij qyteti, iu pranua pa hezitim valuta euro.

    Edhe kusuri ishte në këtë valutë. Në këtë zonë në qendër të qytetit verior çmimet janë të ekspozuara edhe në euro.

    Disa qytetarë thanë se kanë në dinarë paratë e kursimeve si edhe pagat.

    Siç duket ende duhet edhe pak kohë deri në zbatim të plotë të rregullores së re të BQK-së për valutat.

    Qytetarëve të komunitetit serb në komunat veriore në veri tashmë u është ndaluar përdorimi i valutës së dinarit, mirëpo si çështje tjetër ata duhet të nisin të paguajnë konsumimin e energjisë elektrike.

    Nga burime shumë të sigurta brenda Elektroseverit, RTK ka mësuar se ende nuk ka nisur faturimi i energjisë elektrike në komunat veriore.

    Këtë fakt e kanë konfirmuar edhe serbët lokalë në ditët e fundit të afatit të faturimit.

    Për energjinë e shpenzuar në veri dikush duhet të paguajë. Edhe për këtë çështje RTK ka mësuar se nëse Elektrosever, si kompani e cila është e obliguar që të faturojë energjinë, nuk e përmbush obligimin e vet, do të detyrohet të paguaj vetë për gjithë rrymën e shpenzuar.

    Kosova e di saktë se energji shpenzohet në veri dhe kjo përmes distribuimit nga pjesa jugore.

    Ndonëse ende nuk ka faturim të energjisë elektrike në veri të vendit, ato janë të detyruara që deri në fund të muajit gusht të këtij viti, t’i vendosin dhe rregullojnë njehsorët matës më të gjitha objektet.

    COMODITA, aset kontribues në Kosovë
    Nga Rubrika
    Ekonomi29 Shkurt 2024
    Oda Ekonomike e Kosovës (OEK) dhe Federata e Odave Ekonomike nga Arabia Saudite, kanë organizuar të enjten Forumin Ekonomik B2B më të...
    Ekonomi28 Shkurt 2024
    Delegacioni i Bankës Qendrore të Republikës së Kosovës, i përbërë nga guvernatori Ahmet Ismaili dhe zëvendësguvernatori Dardan Fusha, është pritur në takim...
    Ekonomi28 Shkurt 2024
    Komisioni Hetimor Parlamentar në lidhje me procedurat për furnizimin dhe menaxhimin me rezervat shtetërore, keqpërdorimet dhe abuzimet e mundshme me rezervat shtetërore...
    Të tjera
    Bota/Rajoni29 Shkurt 2024
    Të shtëna me armë zjarri ka pasur sonte në Koplik të Shqipërisë, nga ku ka mbetur i plagosur një person i moshës...
    Bota/Rajoni29 Shkurt 2024
    Mungesa e fuqisë punëtore – të tjera apo dhe pa kualifikime – po pengon kryesor ekonomik në Gjermani . Sipas Ministrit Federal...
    Lajme29 Shkurt 2024
    Për të premten parashikohet të mbajë mot me vranësira të shpeshta dhe intervale me diell, ku priten edhe reshje lokale shiu, të...
    Lajme29 Shkurt 2024
    Kryeministri i Kosovës, Albin Kurti ka treguar arsyen se pse nuk mori pjesë në samitin për Ukrainën që u mbajt në Tiranë....
    Sport29 Shkurt 2024
    Zinedine Zidane ka refuzuar mundësinë për të menaxhuar Manchester United, sipas asaj që raportojnë mediat në Angli. Legjenda franceze nuk ka qenë...
    Lajme29 Shkurt 2024
    Kryeministri i Maqedonisë së Veriut, Talat Xhaferi, deklaroi se imazhi i Kosovës në sytë e ndërkombëtarëve nuk është në të njëjtat nivele...

    FrontOnline, © 2024 Të gjitha të drejtat e rezervuara.